Nkahm 13:32 - Uwumbɔr aagbaŋ

³² Nima pu na, bi nan di inyamɔn aabɔr yaa gaa Israel yaab chee, baah buen kitiŋ ngbaan ni ki ti kan pu na. Bi nan ki bui ke, “Kitiŋ ngbaan ni aakpaatan aa nyuun, le binib ngbaan aa kpa tijikaar bi ji bab. Taah kan binib bi mɔmɔk koo nima na fɔk sakpen a.

Nkahm 13:32 ပူးပေါင်းရင်းမြစ်များ

2 Samuel 21:20

Le kijaak kiken nan ki fii Gaf aatiŋ ni, le liwɔkl libaa nan bi nima chee, ki gee kijaak sakpen. U nan kpa ŋŋanbim muloloob, ni ntaŋanbim muloloob la.

1 Bibɔrb Aabɔr 20:6

Kijaak kiken nan ki fii Gaf aatiŋ ni, le liwɔkl libaa nan bi nima chee ki kpa ŋŋanbim muloloob ni ntaŋanbim muloloob. U nan ye n‑yaayoonn na aawɔk aayaabil la.

Ilahn 106:24

Le bi nan yii mmɔɔn aatiŋ; ba pu? baa nan pak ke Uwumbɔr ga ŋa waah puu tipuur ti na.

Esekiel 36:12

M ga giin ni nimi maanib Israel yaab, ni nan ki li koo kitiŋ ngbaan pu. Ki ga li ye nimi nibaa aatiŋ, le kaan ki cha nkon ku nimi aabim.

Amos 2:10

Min le nyan ni nimi Ijipt aatiŋ ni, ki di nimi dii nteersakpiin ni, ŋibin imonko ilee, le ki di Amor yaab aatiŋ tii nimi, le ki kpaln nimi aatiŋ.

Amos 2:9

“Maanib, nimi pu le m nan ku doo Amonn yaab, bima le ye bijab bi nan fɔk ke santina aasui ki pɔɔ ke ŋikpan aasui na.

Nkahm 13:28

Tɔ, binib bi koo nima chee na kpa mpɔɔn pam, le baatim wiir ki kpa ŋigon mann goln mu mɔmɔk. Ni jer ni mɔmɔk na, ti kan ŋiniwɔk aayaabitiib bi nima chee.

Matiu 23:13

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni kiir binib ke bi taa koo Uwumbɔr aanaan ni. Nimi nibaa aa koo ni, ki mu aa kii ke binib bi ban bi koo ni na koo ni. [

Ikaal 1:28

Ba pu aan ti ga buen nima? Ti san ijawaan la. Bijab bi ti tun bi na tuk timi ke binib bi koo nima na pɔɔ, ki fɔk jer timi, le ki mu ki bi ŋigon ŋi fɔk ti tuu kitaapaak na aatim ni la. Bi nan ki kan ŋiwɔk mu nima.’