Nkahm 13:22 - Uwumbɔr aagbaŋ

²² Njan bi nan pue buen Kanaann aatiŋ aaŋangii wɔb na la, le ki ti nyan Hebronn aatiŋ, nin chee Ahimann yaab, ni Sesai yaab, ni Talmai yaab aataŋaal pu aanib ka na, bi nan ye ŋiniwɔk ŋi bi yin ŋi ke Anak yaab na aayaabitiib la. Hebronn aatiŋ nan bi le ŋibin ŋilole aapuwɔb na Soann aatiŋ ki bi Ijipt ni na mu nin ŋa kitiŋ.

Nkahm 13:22 ပူးပေါင်းရင်းမြစ်များ

Mpiin 13:18

Le Abram buen ti kal isui sakpiin i bi yin i ke Mamre aasui na chee, Hebronn aatiŋ ni, le ki maa kitork aabimbiln, le ki doon Uwumbɔr nima chee.

Mpiin 23:2

U nan kpo Hebronn aatiŋ ki bi Kanaann aatiŋ ni na la, le Abraham nan wii u pu pam.

2 Samuel 2:1

Nee aapuwɔb, le David baa Uwumbɔr ke, “M ga gir buen Juda aatiŋ kibaa ni ii?” Le Uwumbɔr kii u ke, “Een.” Le David ki baa u ke, “Kilatiŋ?” Le Uwumbɔr bui u ke, “Hebronn aatiŋ.”

2 Samuel 2:11

le u nan kal nnaan aajal pu, Hebronn aatiŋ ni, ki joo Juda yaab ki ti saa ŋibin ŋilole ni iŋmal iloob.

2 Samuel 21:16

Liwɔkl libaa, bi nan yin u ke Isbi‑Benob, u nan joo tikumann aakpaatuŋ ki aanyunyuun nan ga li pii ndibim kuruwaa bitaa ni ligeln aah nyuun pu na, ki pee kijaak aajupɔŋ na, nan dak ke u ga ŋmaa ku David la,

Ilahn 78:12

Biyaajatiib nan si lik, le Uwumbɔr tun iwaan aatun Soann aapaan mu bi Ijipt aatiŋ ni na.

Ilahn 78:43

ni bundaal u nan tun waatukpaan Soann aapaan mu bi Ijipt aatiŋ ni na bɔr.

Aisaya 19:11

Soann aatiŋ aaninkpiib ye bijɔrb la. Ijipt aalandam aasurm ye kijɔrk la. Ŋma ŋmann bi ke bi bui ubɔrkpaan ngbaan ke bima le nab n‑yaayoonn na aagbanyib ni bibɔrb na pu?

Aisaya 19:13

Soann ni Memfis aatim aaninkpiib ye bijɔrb la. Baatuln le nan ye ke bi joo litimbol, le bi tee di bi yenn.

Aisaya 30:4

Hali baah nyan Juda aaninkpiib bi ke bi ti li bi Ijipt aatisakpem Soann ni Hanes ni na kpaan fuu nima;

Nkahm 13:17

N‑yoonn mu Moses nan tun bi ke bi ti pekr Kanaann aatiŋ ki mann ni mɔmɔk na, u nan bui bi ke, “Piin ŋŋangan wɔb do man ki ti nya Kanaann aatiŋ aaŋangii wɔb aapepel, ki nyan nima ki buen ŋigongon aatiŋ ni.

Nkahm 13:28

Tɔ, binib bi koo nima chee na kpa mpɔɔn pam, le baatim wiir ki kpa ŋigon mann goln mu mɔmɔk. Ni jer ni mɔmɔk na, ti kan ŋiniwɔk aayaabitiib bi nima chee.

Nkahm 13:33

Ti kan Anak aaniwɔk na aayaabitiib mu nima chee, ke ti yaa si bi chee kan, ti naahn inaakan la. Bi yaa lik timi kan, ti ga li bi kina le bi chee.”

Ikaal 9:2

Binib ngbaan fɔk ki kpa mpɔɔn. Bi ye ŋiniwɔk la, le ni ŋun ke ubaa aan ŋmaa faa bi butɔb.

Josua 10:36

Nee aapuwɔb, le Josua ni waajab nan nyan Eglonn aatiŋ ni, ki di dii ŋigongon paab, ki buen Hebronn aatiŋ ni, le ki ti lir ki pu,

Josua 21:13

Ntim mu nan ki kpee Hebronn aatiŋ ki nan ye mbɔbɔryaan aatiŋ kibaa na pu, bi nan di ntim ngbaan tii utotoor Aaronn aayaabitiib la: muma le ye Libna,

Bibɔjirb 1:10

Bi nan buen ti tak Kanaann yaab bi koo Hebronn aatiŋ ki bi nan laa yin ki ke Kiriaf Aba na. Nima chee le bi nan nyaŋ Sesai, ni Ahimann, ni Talmai aataŋaal pu yaab.

1 Samuel 30:31

ni Hebronn aatim ni na. U nan lee ni tun tii ntim mumɔk u ni waajab nan kpak mu ponn ni na.