Nkahm 12:13 - Uwumbɔr aagbaŋ

¹³ Nima pu na, Moses nan wii yin Uwumbɔr ke, “Uwumbɔr, cha u pɔɔk.”

Nkahm 12:13 ပူးပေါင်းရင်းမြစ်များ

Mpiin 20:17

Abimelek aah nan ban u gaa Abraham aapuu Sara pu na, le Uwumbɔr nan cha bipiib bi mɔmɔk bi Abimelek do lichiln ni na ŋa biŋoob. Nima pu na, Abraham nan mee Uwumbɔr tii Abimelek, le u cha u ni upuutiib, ni waanaagbiipiib pɔɔk, le bi ki piin ki ma mbim.

1 Bibɔrb 13:6

Ubɔr Jeroboam nan bui Uwumbɔr aabɔnabr ngbaan ke, “Ŋaanii ki mee Aadindaan Uwumbɔr tii mi, aan u cha ŋŋaal ki pɔɔk.” Uwumbɔr aabɔnabr ngbaan nan mee Uwumbɔr, le ubɔr aaŋaal pɔɔk.

Ilahn 30:2

Ndindaan Uwumbɔr, m wii yin si ki ban nterm, le aa tii mi laafee;

Ilahn 41:4

M len ke, “Uwumbɔr, m tun si titunwanbir; san mi kinimbaak ki tii mi laafee.”

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Nnyam 4:7

Uwumbɔr nan ki bui u ke, “Ki giin aaŋaal ŋa saabɔkul ni.” Le u ŋa kina, le n‑yoonn mu u chuu nyan ni mu na, mu ki pɔɔ, ki bi ke uwon tiken aah bi pu na.

Aisaya 30:26

Uŋmal ga li wiin ke nwiin na, le nwiin ga moo woln ki jer mu aah ti wiin pu na, ki naahn ke iwiin ilole le aah di kpaan ki wiin nwiin mubaa daal na. N‑yoonn mu Uwumbɔr ga poo waanib aabuun i u tii bi aan i yann na, le nimina mɔmɔk ga ŋa.

Jeremia 17:14

Uwumbɔr, tii mi laafee aan m pɔɔk kookoo; gaa mi lii aan m kan limɔfal. Sin le m pak.

Nkahm 11:2

Le binib ngbaan wii yin Moses ke u ter bi; u nan mee Uwumbɔr, le u cha mmii ngbaan junn.

Nkahm 12:12

Taa cha u li bi ke ubo u kpo una aaponn ni ki nyan ni aan lipepel libaa bur doo na.”

Nkahm 14:2

Bi nan len Moses ni Aaronn tibɔr ti kaa ŋan na ki bui ke, “Ti yaa ba kpo Ijipt aatiŋ ni, bee nteersakpiin ni do kan, ni ba soor.

Nkahm 16:41

Naah woln kitaak na, le binib mɔmɔk di dab Moses ni Aaronn le ki bui ke, “Nimi le ku Uwumbɔr aanib ngbaan ngem.”

Tibɔnyaan ti Luk ŋmee ti na 23:34

Baah bi kpaa Yesu ndɔpuinkoo pu na, le u bui ke, “Nte Uwumbɔr, di cha pinn bi. Baa nyi baah ŋani pu na.” Le butɔb aajab ngbaan yoor waawanpeenkaan bi ti yakr tɔb, le ki too inaan ke bi lik bimɔk aah ga kan ni na.

Tibɔnyaan ti Luk ŋmee ti na 6:28

ki ŋa Uwumbɔr aanyoor ŋa binib bi seei nimi na pu, ki mee Uwumbɔr tii binib bi ŋa nimi bakaa na.

Lituln 7:60

le ki gbaan utaaŋaayil pu, le ki teen mpɔɔn pu, “Tidindaan, taa teen bi baah ŋa bakaa u na.” Waah len kina na, le u kpo.

Rom Yaab 12:21

Unii yaa ŋa si bakaa kan, taa cha bakaa ngbaan nyaŋ si. Cha tiŋann le nyaŋ bakaa.

Jemisi 5:15

Bi yaa mee Uwumbɔr ki pak ke u ga tii u laafee kan, mmeen ngbaan le ga cha ubun ngbaan pɔɔk, le Tidindaan ga fiin u. U yaa tun titunwanbir kan, u ga di cha pinn u.

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.