Nkahm 11:8 - Uwumbɔr aagbaŋ

^8-9 Kinyeek kan, le mana nan dii limaln, ki lir mann goln baah ka pu na. Le ni yaa woln kichakpiik ni kan, binib ngbaan fii ban mana ngbaan, bi yaa ban kan, bi ga nan ni, bee bi ga san ni le ni ŋa n‑yon, le bi ga ŋaan ni ki di ni ŋa maab papam. Le u mɔ ke baah di olif aakpan le ken u na.

Nkahm 11:8 ပူးပေါင်းရင်းမြစ်များ

Mpiin 25:29

Daalbaadaal le Jakob nan bi ŋaa ŋituun aakpin, le Esɔ nyan ni kikpaŋ, le nkon joo u sakpen,

Nnyam 16:23

le u bui bi ke, “Uwumbɔr siin nkaal ke fen fe ye lifuur aawiin la, le ki tii u. Din wee, ni ken naah ban ni ken tijikaar ti na, ki ŋaan naah ban ni ŋaan ti na mu. Ti gur na kan, ni di siin kiir fen.”

Nnyam 16:31

Israel yaab ngbaan nan yin tijikaar ngbaan ke mana. Ti nan bi ke njikaabim waatiir na, le ki piin, ki mɔ ke maab u bi di tisiir ŋa u na.

Nkahm 11:7

Mana nan naahn mpuibim aah bi siisii pu na la, le ki piin ki man chaun.

Jɔnn 6:27

Ni taa cha ninimbil li man tijikaar ti ga bii na pu. Ninimbil li man tijikaar ti ga tii nimi limɔfal li kaa kpa ndoon na pu. Min Unibɔn Aabo le ga tii nimi tijikaar ngbaan; ba pu? min Unibɔn Aabo le Nte Uwumbɔr mɔk ke m ye Waanii.”

Jɔnn 6:31

Tiyaajatiib nan ji tijikaar ti bi yin ti ke mana na, nteersakpiin ni; ni ŋmee Uwumbɔr Aagbaŋ ni ke, ‘U tii bi tijikaar ti nyan ni paacham na ke bi ji.’”