Nkahm 11:4 - Uwumbɔr aagbaŋ

⁴ Biwɔwɔm bibaa nan bi Israel yaab chee, ki dii bi cha. Bi nan cha tinann aakpeek chuu bi ni pɔɔ pam, le Israel yaab mu nan piin ki len tibɔr ti kaa ŋan na ki bui ke, “Ti yaa ba kan tinann ki ŋman kan, ni ba ŋan.

Nkahm 11:4 ပူးပေါင်းရင်းမြစ်များ

Nehemia 13:3

Israel yaab aanib aah ŋun bi karn nkaal ngbaan na, le bi yakr biwɔwɔm mɔmɔk nyan bikaasisik ni.

Ilahn 106:14

Le nteersakpiin ngbaan ni, kikpeek cha bi tɔŋ Uwumbɔr;

Nnyam 12:38

Kinipaak kiken, ni tiwakor pam mu nan dii bi buen.

Nnyam 16:12

“Israel yaab aah len tibɔbir m pu pu na, m ŋun. Tuk bi ke kijook kee bi ga kan tinann ki ŋmɔ, le fen kichakpiik ni bi ga fe kan tijikaar timɔk bi ban na, le ki ga bee ke min, Uwumbɔr, le ye Bidindaan.”

Nnyam 16:3

le ki bui bi ke, “Uwumbɔr yaa ba ku timi Ijipt aatiŋ ni kan, ti ba ga li gee kina. Ti ba ga li kani tinann ni tijikaar timɔk ti gee na ki ji, le ni joo ni timi nteersakpiin mumina ponn ni ti nan kpo nkon.”

Nkahm 11:18

Bui binib ngbaan ke, ‘Toor nibaa man ki kiir fen, ni ga fe kan tinann ki ŋmɔ. Uwumbɔr ŋun naah ŋulni ki bui ke ni ban tinann pu na, ki ki len ke naah nan bi Ijipt aatiŋ ni na, ni nan soor ki tii nimi. Dandana wee, Uwumbɔr ga tii nimi tinann, le ni ga ŋmɔ ti.

Nkahm 14:1

Kinyeek wɔb ki ti woln kitaak, binib ngbaan nan wii ki ŋulni.

Nkahm 14:22

binib bee ubaa kina aan li bi ki koo kitiŋ ngbaan ni. Bi kan maawiihn mu moor lak lak na, ni lijinjiir aawan nimɔk m ŋa ni Ijipt aatiŋ ni, ni nteersakpiin ni na, le ki tɔŋni mi, ki ki gir tɔŋni mi kina, ki yii mi.

Nkahm 16:13

Saah nyan ni timi Ijipt aatiŋ ki kpa nkpan ni n‑yaan, ke aa nan ku timi lii nteersakpiin mue ni na, naa ŋeer aa? Le aa ki ban ke aa kpaln timi aabɔr aa?

Rom Yaab 13:14

Ni li bi ke Tidindaan Yesu Kristo aah bi pu na, ki taa ki li ŋani nimi aabimbikpok aah ban pu na.

1 Korenti 10:6

Tibɔr timina ye nsurm le ki tii timi, ke ti taa ban tiwan ni kaa ŋan na, ke baah nan ban pu na.

1 Korenti 15:33

Ni taa cha unii ubaa ŋmann nimi man. “Ni yaa dii binib bi kaa ŋan na kan, nimi aabimbinyaan ga bii.”

Ikaal 9:22

“Ni nan ki ŋa Nidindaan Uwumbɔr liŋuul, buyoonn ni nan bi Tabera, ni Masa, ni Kiberof Hatafa aatim ni na.