Nkahm 11:23 - Uwumbɔr aagbaŋ

²³ Le Uwumbɔr giin baa u ke, “Aa nyi maapɔɔn mɔk aa? Naan yunn le aa ga kan ke maah len pu na ga ŋa aan naan ŋa.”

Nkahm 11:23 ပူးပေါင်းရင်းမြစ်များ

Mpiin 18:14

Nibaa pɔɔ min Uwumbɔr chee ee? Maah len pu na, m ga ki gir ni iŋmal iwae aapuwɔb, le Sara ga maa ubijabo.”

2 Bibɔrb 4:43

le ututunn ngbaan gar u ke, “Aa dak ke nimina ga ŋeer bijab nkub aa?” Le Elaisa bui ke, “Di tii bi aan bi ji, ba pu? Uwumbɔr bui ke bi ga ji ki gur ti.”

2 Bibɔrb 7:2

Ubɔr aajɔ nan bui Elaisa ke, “Hali Uwumbɔr ubaa le yaa kpaan cha njikaabim fuu ni kan, kina aan ŋmaa ŋa.” Le Elaisa gar u ke, “Aa ga kan kina bi ŋani, le aa ma aan tee ji tijikaar ngbaan tibaa.”

Ilahn 78:41

Bi tɔŋni Uwumbɔr, ki ki gir tɔŋni u, ki cha uma Israel yaab Aawumbɔr u bi chain na aasui bii.

Nnyam 6:1

Uwumbɔr nan bui Moses ke, “Dandana wee, aa ga kan maah ga ŋa ubɔr ngbaan pu na. M ga muk u aan u cha maanib ngbaan buen. Mbamɔn, m ga muk u pam, le uma ubaa ga bui binib ngbaan ke bi nya waatiŋ ponn ni.”

Aisaya 50:2

Ba nan ŋa maanib yii kaa kii tii mi buyoonn m nan buen m ti gaa bi lii na? Ba nan ŋa baa kii buyoonn m nan yin bi na? Maa ki kpa mpɔɔn m di gaa bi lii la aa? Maamɔliin baanja le ga cha nnyusakpem foor, ki cha ŋimɔɔ mɔmɔk kpaln kitikuun, le ŋaajan kpo nnyunyuu pu.

Aisaya 59:1

Taa dak man ke Uwumbɔr aa kpa mpɔɔn ke u gaa nimi lii, bee u kpaa sakpen, kaan ki ŋun naah yin u pu ki ban nterm na.

Jeremia 14:9

Ba ŋa aa bi ke uja u tibɔr nan lir u na; ba ŋa aa bi ke uja u kaa ki kpa mpɔɔn ke u ter timi na? Uwumbɔr, ni sil ye mbamɔn ke aa bi ti chee. Ti ye saanib la, taa di timi lii.’”

Jeremia 32:17

“Ndindaan Uwumbɔr, aabaa aapɔɔn mu nyaŋ na le aa di naan taab ni kitaapaak; tiwan nibaa aa pɔɔ aa chee.

Jeremia 32:27

“Min le ye Uwumbɔr, u ye unii mɔmɔk Aawumbɔr na. Nibaa aa pɔɔ m chee.

Esekiel 12:25

Min Uwumbɔr le ga len bi chee, le maah len pu na ga ŋa. Ntaam mubaa aan ki li bi. Nimi bimɔyiib aamɔfal ni, le m ga ŋa maah sak nimi ke m ga ŋa pu na. Min Nidindaan Uwumbɔr len a.”

Esekiel 24:14

Min Uwumbɔr le len kina. N‑yoonn fuu ni ke m fii sil. Maan suln saatunwanbir bɔr, kaan san si kinimbaak. Aa ga kan saah tun pu na aatafadaan.” Aadindaan Uwumbɔr le len kina.

Daniel 6:20

Waah ti fuu nima chee na, le u yin mala ke, “Daniel, Uwumbɔr u kpa limɔfal na aatutunn, Uwumbɔr u aa dii ni ibamɔn na ŋman ki gaa si lii ichinn ngbaan chee ee?”

Maika 2:7

Nimi Israel yaab len ke Uwumbɔr aa ki kpa limɔr la aa? U ga sil ŋa tiwan ngbaan mɔmɔk aa? Waa len binib bi ŋani ni ŋan na chee ki san bi kinimbaak aa?”

Nkahm 11:22

Inaa ni ipiih iŋa m ga kɔr i, aan tinann ngbaan ŋeer bi, aan bi ŋmɔ ki bab? Ijan imɔk bi nnyusakpem ni na ga ŋeer bi ii?”

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Matiu 19:26

Le Yesu lik bi le ki bui bi, “Ni pɔɔ binib le chee. Nibaa aa pɔɔ Uwumbɔr chee.”

Matiu 24:35

Paacham ni taab ga jer. Maamɔbon ma aan jer.”

Tibɔnyaan ti Luk ŋmee ti na 1:37

nibaa aa pɔɔ Uwumbɔr chee.”