Nkahm 11:21 - Uwumbɔr aagbaŋ

²¹ Moses nan bui Uwumbɔr ke, “Min le loln binib ŋichur ikui iloob bimina pu nsan, le aa bui ke aa ga tii bi tinann ki ti saa uŋmal ubaa aa?

Nkahm 11:21 ပူးပေါင်းရင်းမြစ်များ

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Nnyam 12:37

Israel yaab nan nyan Rameses aatiŋ ki chuun bitaa pu ki cha Sukof. Bi nan ye bijab ŋichur ikui iloob, baa nan kahn bipiib ni mbim kpaan bi ponn ni.

Nnyam 38:26

Baah nan kahn binib bi fuu ŋibin moninko ki jer na le nan pan tikunabr aakur ngbaan ŋeer baah ye pu na. Binib ngbaan mɔmɔk nan ye binib ŋichur ikui iloob ni ŋitaa ni ikui iŋmu ni piiŋmu la.

Nkahm 11:13

La chee m ga kan tinann aan ti ŋeer kinipaak kee? Bi bi len n‑yoonn mɔmɔk ke bi ban tinann la.

Nkahm 11:20

ni ga ŋmɔ ti uŋmal ubaa le ti nuŋ nimɔfal ni, le ti ga cha ni buŋ kina pu. Ni ga ŋa kina, ba pu? ni yii Uwumbɔr u bi ni chee na, ki ŋulni ke naa ba gee ke ni nya Ijipt aatiŋ ni.’”

Nkahm 11:22

Inaa ni ipiih iŋa m ga kɔr i, aan tinann ngbaan ŋeer bi, aan bi ŋmɔ ki bab? Ijan imɔk bi nnyusakpem ni na ga ŋeer bi ii?”

Nkahm 2:32

Israel yaab aah nan yakr ŋigetek ŋigetek, aan bi ŋmee baayimbil bi ti kpaan ki saa pu na, nan ye ŋichur ikui iloob ni ŋitaa, ni ikui iŋmu ni piiŋmu la.

Nkahm 26:51

Baah nan kahn Israel yaab aajab n‑yoonn ngbaan na, bi mɔmɔk nan ti kpaan ŋichur ikui iloob ni libaa, ni ikui ilole ni piitaa la.