Nkahm 11:12 - Uwumbɔr aagbaŋ

¹² Maa naan bi, ki mu le aa cha bi ma bi. Ba ŋa aa cha m kpaln unii u joo bi ŋŋaal ni, ke ubiyoor aah yoo mbim pu na, ki joo ni bi kitiŋ ki aa nan puu ke aa ga di tii biyaajatiib na ni?

Nkahm 11:12 ပူးပေါင်းရင်းမြစ်များ

Mpiin 13:15

M ban ke m di saah waa kitiŋ kimɔk na ki di tii aa ni saamaal, aan ki li ye nimi aatiŋ n‑yoonn mu kaa kpa ndoon na.

Mpiin 24:7

Uwumbɔr u ye paacham aadindaan na, uma le nyan ni mi nte do, ni ndo yaab aatiŋ ni, le ki puu ke u ga di kitiŋ kimina tii m ni n‑yaabitiib. Uma le ga cha waatuun loln aa pu nsan, nima kan, aa ga ti kan upii ki nan tii njapɔɔn.

Mpiin 26:3

Li koo do, le m ga li bi aa chee, ki ŋa tinyoor ŋa aa pu. M ban ke m di kitiŋ kee mɔmɔk tii sin ni aayaabitiib la. Maah nan puu tipuur ti tii aate Abraham na, m ga li joo ti.

Mpiin 50:24

Le u bui ukpetiib ke, “Ni ŋeer m kpo; Uwumbɔr mu ga sil li joo nimi, ki nyan nimi Ijipt aatiŋ kee ni, ki giin nimi buen kitiŋ ki u nan puu ke u ga di ki tii titetiib Abraham, ni Aisak, ni Jakob na.”

2 Bibɔrb 10:1

Ubɔr Ahab aayaabitiib imonko itaa ni kipiik le nan koo Samaria aatiŋ ni. Jehu nan ŋmee kigbaŋ le ki tun ti tii kitiŋ ngbaan aajojoob, ni kaanikpaam, ni Ahab aayaabitiib aah bi binib bi aaŋaal ni na. Kigbaŋ ngbaan nan len ke:

2 Bibɔrb 10:5

Kina pu le libɔrdichal ni aaninkpel, ni kitiŋ ngbaan aaninkpel, ki di kpee kaanikpaam, ni ubɔr aayaabitiib aajojoob di inaŋ imina tun Jehu chee: “Ti ye saatutum la, le ki ga ŋa saah bui timi ke ti ŋa pu na mɔmɔk. Tɔ, taan ŋmaa di ubaa kaan nnaan, ŋa saah dak aasui ni pu na.”

Nnyam 13:11

“Uwumbɔr ga di nimi buen Kanaann aatiŋ ki u nan puu tii nimi ni niyaajatiib na ni. Ni yaa bi nima chee kan,

Nnyam 13:5

Uwumbɔr nan puu tipuur tii niyaajatiib ke u ga di kitiŋ ki ye Kanaann yaab, ni Hef yaab, ni Amor yaab, ni Hif yaab, ni Jebus yaab aatiŋ na ki di tii nimi la. U yaa nyan nimi ki joo nimi ti fuu kitiŋ ngbaan ki kpa tiwakor aamoŋmɔpaan ni ŋisubil sakpen na ni na kan, ni pɔɔ nibaa ki li toor Lakr‑jer aajim ngbaan, njan aaŋmal libiln mɔk ni.

Nnyam 33:1

Uwumbɔr nan bui Moses ke, “Fii do, aa ni binib bi aa nyan ni bi Ijipt aatiŋ ni na, ki li cha kitiŋ ki m puu tii Abraham, ni Aisak, ni Jakob, ni biyaabitiib na ni.

Nnyam 6:8

M ga di nimi buen kitiŋ ki m nan puu ke m ga di ki tii Abraham, ni Aisak, ni Jakob na, m ga di ki tii nimi, ki li ye nimi aatiŋ. Min le ye Uwumbɔr.’”

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 49:15

Le Uwumbɔr gar ke, “Upii ga ŋmaa suln waabo bɔr, kaan li gee ubo u u ma na aa? Hali upii yaa suln waabo bɔr kan, mma aan suln ni bɔr.

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Esekiel 34:23

M ga tii i upihkpaal ke maatutunn David na, aan uma baanja li ye yaapihkpaal, le u ga li joo i mbamɔm.

Jɔnn 10:11

“Min le ye upihdaanyaan na. Upihdaanyaan ga ŋmaa kpo waapiih pu.

1 Korenti 4:15

Ba pu? ni yaa kpa bimɔmɔkb ŋichur kipiik Kristo aasan ni kan, ni kpa te ubaa baanja la. Min le ye nite. Kinye? maah nan tuk nimi tibɔnyaan tee na, le m kpaln nite Yesu Kristo aasan ni.

Galantiya 4:19

Maabim, ni wu mi ke imalween aah chuu upii kan, ni wu pu na, ki nan saa buyoonn ni ga chikr Kristo aasan ni na.

Ikaal 1:31

Ni kan waah joo ni nimi laafee ni, ki nan saa do chee na, ke ubo aate aah joo u pu na.’

1 Tesalonika 2:7

Taah ye Kristo aakpambalb na, ti ba ga li ban ke ni nyuŋ timi. Le taa nan ban kina. Ti nan bi suuna ni chee ke upii aah bi pu waabim chee ki lik bi na la.