Nkahm 11:10 - Uwumbɔr aagbaŋ

¹⁰ Moses nan ŋun binib ngbaan aah kuun si ŋikpuk ŋikpuk linampal pu ki len tibɔr ti kaa ŋan na pu na. Usui nan bii pam, ba pu? Uwumbɔr nan gee liŋuul bi pu.

Nkahm 11:10 ပူးပေါင်းရင်းမြစ်များ

Ilahn 106:25

Bi nan gaar baakakar ponn ni le ki ŋulni, kaa pel Uwumbɔr aah len pu na.

Ilahn 139:21

Uwumbɔr, m nan binib bi nan si na sakpen. M lik seen binib bi yii si ki nyan aapuwɔb na.

Ilahn 78:21

Uwumbɔr aah ŋun waanib len kina na, le waaŋuul fii, le u di mmii tak bi, le waaŋuul moo fii bi pu,

Ilahn 78:59

Uwumbɔr aah kan kina na, le waaŋuul fii, le u yii waanib kookoo.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Jeremia 17:4

M ga di kitiŋ ki m nan di tii nimi na tii binib. M ga cha ni kpaln nimi aadim aatutum kitiŋ ki ponn ni naa nyi kaabɔr kpala na, ba pu? maaŋuul bi ke mmii na la, mu ga li wu kaan junn.”

Nkahm 11:1

Israel yaab nan ki piin ki ŋulni ke bi bi falaa ni, le Uwumbɔr ŋun baah ŋulni pu na, le liŋuul chuu u, le u cha mmii sunn ni bi pu. Mu nan wun baah ka nin chee na lipepel libaa wɔb, ki bii nima chee.

Nkahm 11:11

Le u bui Uwumbɔr ke, “Ba ŋa aa ŋa mi kina? Ba ŋa aasui wu m pu? Ba ŋa aa di litukpaan lee tii mi ke m li lik binib bee?

Nkahm 12:3

Moses nan ye unii u sunn ubaa taab na la, u nan sunn ubaa taab ki jer unii mɔmɔk dulnyaa wee ni.

Nkahm 12:9

Uwumbɔr nan gee bi pu liŋuul; nima pu na, waah nan siir buen

Nkahm 16:27

Nima pu na, bi mɔmɔk nan siir foor Kora, ni Datann, ni Abiram aadichal chee. Le Datann, ni Abiram, ni bipuutiib, ni baabim nyan ni ki nan sil baadichal aabisamɔi chee.

Nkahm 21:5

le ki ŋulni Uwumbɔr ni Moses pu. Bi nan len ke, “Ba ŋa ni nyan ni timi Ijipt aatiŋ ni ke ti nan kpo nteersakpiin mue ni, nin chee tijikaar ni nnyun aa bi na. Ti nuur tijikaar tichachaan tee pu a.”

Tibɔnyaan ti Mak ŋmee ti na 10:14

Waah kan ke bi kae bi na, le u gee liŋuul, ki bui waadidiliib ke, “Cha mbim ngbaan dan m chee man. Taa ki jenn bi man. Binib bi aabimbin bi ke mbim aah bi pu na, bima le yeh Uwumbɔr aanaan.

Tibɔnyaan ti Mak ŋmee ti na 3:5

Le u lik bi mɔmɔk, le ki gee liŋuul bi pu. Bitafal aah pɔɔ pu na, le ni bii usui. Le u bui uja u aaŋaal faan na ke, “Taln aaŋaal.” Le u taln uŋaal. Le mu pɔɔk.

Ikaal 32:22

Maaŋuul ga fii bi pu ke mmiigaal na ki wu tiwan nimɔk bi dulnyaa wee ni na. Mu ga gaa ki ti pii kitekpiitiŋ ni, le ki wu ŋijoo aataab pel pel.