Nkahm 10:29 - Uwumbɔr aagbaŋ

²⁹ Le Moses bui uchool Jetro, u nan ye Midiann aanii na, aajapɔɔn Hobab ke, “Ti ban ti piin ki buen nin chee Uwumbɔr bui ke u ga di tii timi na la. U puu ke u ga ŋa timi Israel yaab pu tinyoor, nima pu na, li dii timi, aan ti kpaan ji kina aanyoor.”

Nkahm 10:29 ပူးပေါင်းရင်းမြစ်များ

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

Mpiin 13:15

M ban ke m di saah waa kitiŋ kimɔk na ki di tii aa ni saamaal, aan ki li ye nimi aatiŋ n‑yoonn mu kaa kpa ndoon na.

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Mpiin 32:12

Teer ke aa nan puu tipuur tii mi ke aa ga li kii ki ter mi tiwan mɔmɔk ni, ki ga cha m maa pɔr, le n‑yaabitiib ga li wiir ke litambol li dɔ limɔɔl aagbaan na, le ubaa aan ŋmaa kahn bi.”

Ilahn 100:1

Dulnyaa mɔmɔk, gaa ilahn tii Uwumbɔr man.

Ilahn 34:8

Nimi nibaa lik man ki kan Uwumbɔr aah kpa tiŋann pu na. Binib bi kan ŋŋmarm u chee na le kpa mpopiin.

Ilahn 95:1

Dan man, aan ti nan pak Uwumbɔr. Cha ti gaa mpopiin aalahn tii Uwumbɔr u kii timi na man.

Nnyam 18:1

Moses aachool uja Jetro, u ye Midiann aatiŋ aatotoor na, nan ŋun Uwumbɔr aah di Moses tun pu na mɔmɔk, aan ki cha u nyan ni Israel yaab Ijipt aatiŋ ponn ni pu na.

Nnyam 18:12

Jetro nan joo ni kiwakork ki bi ga di ki mɔmɔk see mmii ni na, ni tiwakor tiken, le ki nan toor kitork tii Uwumbɔr; le Aaronn ni Israel yaab aaninkpiib dii u buen, le bi ti jin kitork ngbaan, Uwumbɔr aanimbiin ni.

Nnyam 18:27

Moses nan chɔi Jetro, le u gir kun udo aatiŋ ni.

Nnyam 2:18

Baah gir kun buyoonn na, le bite baa bi ke, “Ba ŋa ni gir ni din mala kina?”

Nnyam 2:21

Nima pu na, Moses nan kii ke u ga li bi Jetro do, le u di ubisal Sipora tii Moses u di ŋa upuu,

Nnyam 3:1

Daalbaadaal le Moses nan bi kpaa uchool Jetro, u ye Midiann aatiŋ aatotoor na aawakor timoor ni, le u nan di ti jer nteersakpiin mubaa ni, ki buen Uwumbɔr aajool Sainai chee.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Nnyam 6:4

M nan ki puu tipuur tii bi ke m ga di Kanaann aatiŋ ki bi nan ye biwɔwɔm ki ponn ni na tii bi.

Aisaya 2:3

le ŋaanib ga bui ke, “Cha ti jon man Uwumbɔr aajool ki buen Israel yaab Aawumbɔr aadichal ni. U ga mɔk timi waah ban ti ŋa pu na; le ti ga chuun waah lee isan i na pu; Uwumbɔr aamɔkm nyan ni Jerusalem ni la; Sionn pu le u len waanib chee tibɔr.”

Jeremia 50:5

Bi ga baa Sionn aasan pu le ki di toŋ nima wɔb. Bi ga puu tipuukpaan ti kaa kpa ndoon na tii mi, kaan bii ti.

Nkahm 10:28

Israel yaab yaa nan fii nibaa chee ki cha kan, bi nan paa tɔb pu ŋigetek ŋigetek kina, le ki chuun cha.

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Lituln 7:5

N‑yoonn ngbaan, Uwumbɔr aa nan tii u kitiŋ kibaa do chee na. Waa nan po tii u lisaŋ libaa. U nan puu tipuur tii u ke u ga di kitiŋ kee tii u ni uyaabitiib. N‑yoonn mu Uwumbɔr nan puu tipuur tee tii u na, Abraham aa nan kee kpa ubo.

Ikaal 30:5

le ni ki gaa niyaajatiib aatiŋ. U ga ŋa tinyoor ŋa ni pu, ki kpee nimi liwangol, le ni ga moo pɔr ki li wiir jer niyaajatiib aah nan wiir pu na.

Ikaal 4:40

Ni li joo waakaal imɔk m di tuk nimi din wee na, le tiwan mɔmɔk ga li bi mbamɔm tii nimi, ni niyaabitiib. Nima kan, ni ga li bi kitiŋ ki Nidindaan Uwumbɔr ga di tii nimi na pu, ki li ye nimi yaan ki cha n‑yoonn mu kaa kpa ndoon na.”

Taitus 1:2

Waabɔr pu le bi kpa limakl ke bi ga li kpa limɔfal li kaa kpa ndoon na. Uwumbɔr u kaa mɔni inyamɔn na, uma le nan puu tipuur n‑yaayoonn na, ke u ga tii timi limɔfal ngbaan.

Hiibru Yaab 6:18

Waah nan puu tipuur ti na, waan kpeln. Waah puu uma ubaa aayimbil pu na, nima le sil mɔk ke waan kpeln. Waan ŋmaa mɔn nnyamɔn. Nima le timi bi san cha u chee ke ti ŋmar na aataakpab pɔɔ mbamɔm, le ti kpa limakl ke ti ga kan waah puu tipuur ti na.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.

Bibɔjirb 1:16

Moses aachool, u nan ye Kenn aanii na aayaabitiib nan nyan Jeriko, kitiŋ ki ye ŋibɔkpal aatiŋ na ni, ki dii Juda aanib buen kitikuun ki bi Arad aatiŋ aaŋangii wɔb, Juda aapepel ni na, le ki ti kal Amalek yaab chee nima.

Bibɔjirb 4:11

N‑yoonn mue na, Kenn aanii Heber nan puen gaa waakeken aabool likpaln aasub bubaa taab, Sananim aatiŋ ki bi gbɔk Kedes aatiŋ na chee. U nan fii udo yaab biken, Hobab, u nan ye Moses aachiin na aayaabitiib chee.

1 Samuel 15:6

U nan tun ti bui Kenn aanib, bi aayaajatiib nan ŋa Israel yaab tiŋann buyoonn bi nan nyan ni Ijipt ni na ke, “Nyan cha man Amalek yaab, aan m taa nan ku nimi kpee bi pu.” Le Kenn yaab ngbaan nyan cha bi.