Nkahm 10:10 - Uwumbɔr aagbaŋ

¹⁰ Ni yaa ti ki ye nimi aapopiin aayoonn, mu ye Uŋmapɔɔn aajim, ni nimi aatoorkpaan aajim muken na kan, buyoonn ni ban ke ni toor kitork ki bi joo seer mmii ni na, ni kimɔbaan aatork tii mi na, ni pii kakaan tiib ngbaan, le m ga ter nimi. Min le ye Nidindaan Uwumbɔr.”

Nkahm 10:10 ပူးပေါင်းရင်းမြစ်များ

2 Bibɔrb 4:23

Le uchal baa u ke, “Ba ŋa aa ban aa buen din wee? Naa ye Likpaakool daal, kaa ye Uŋmapɔɔn Aajim aayoonn mu.” Le u gar u ke, “Taa cha ni muk si.”

1 Bibɔrb Aabɔr 15:28

Kina le Israel yaab mɔmɔk nan di Nkaal Aadakaa ngbaan buen Jerusalem ponn ni, ki tar mpopiin pu, ki pii kakaan, ni ikpiin, ki yak ichayakrtuun, ki gbaa tibar.

1 Bibɔrb Aabɔr 16:42

Hemann ni Jedutunn le nan ye bi pii kakaan tiib, ki yak ichayakrtuun ni tiwangbaakaan niken na, n‑yoonn mu bi gaa kipak aalahn na. Jedutunn aataŋaal pu yaab le nan ye bi kiir ibisamɔi na.

2 Bibɔrb Aabɔr 29:26

ni tiwangbaakaan ni aaboln Ubɔr David nan joo tun na. Bitotoorb mu nan bi ki joo kakaan tiib.

2 Bibɔrb Aabɔr 29:28

Unii umɔk nan bi nima chee na nan piin Uwumbɔr aadoon, le lilahngaal ni liwangbaal nan beenin damni, le bi ti see kitork ngbaan mɔmɔk mmii ni doo.

2 Bibɔrb Aabɔr 7:6

Bitotoorb nan sil baabuul ni, le Liifai yaab mu sil baabuul ni ki lik ni bitotoorb, ki joo Ubɔr David aah nan di tiwangbaakaan ni tii bi na pak Uwumbɔr ki gaa nlahn David aah nan mɔk bi pu na ke, “Waageehm aa kpa ndoon.” Bitotoorb nan pii kakaan tiib, le binib ngbaan mɔk nan si.

Esra 3:10

Bijab ngbaan aah nan piin ki bi bilni Uwumbɔr Aadichal aadinyikl aatakpal na, le bitotoorb di baawanpeenkaan peen, le ki joo kakaan tiib biŋaal ni, ki sil baasisiiyaan chee, le Asaf aataŋaal yaab bi ye Liifai yaab na mu yoor baachayakrtuun. Bi nan gaa ilahn ki pak Uwumbɔr, Ubɔr David aayoonn aakaal aah nan mɔk pu na.

Ilahn 150:3

Di kakaan mam pak u man. Di tibar ni ikuŋmin aabar pak u man.

Ilahn 81:3

Pii kakaan njim ngbaan pu, uŋmapɔɔn aayoonn, ni uŋmapiin aayoonn.

Ilahn 81:4

Nimina ye nkaal le ki tii Israel yaab; Jakob Aawumbɔr le siin mu.

Ilahn 89:15

Binib bi joo ilahn dooni si, aan ki bi saaŋann aawiin ni na kpa mpopiin.

Nnyam 28:29

“N‑yoonn mu Aaronn ti ban u koo Chain Aapepel ni na, u ga li pee kibiŋ aakekengeŋ ki ni ŋmee Israel yaab aanibol aayimbil ki paan ŋitakpanyaan na pu na, nima kan, min Uwumbɔr ga li teer maanib bɔr.

Nnyam 30:16

Ni gaa ŋimombil ngbaan Israel yaab chee, ki li joo toor Maabool li m bi li ponn ni na. Lampoo ngbaan aamombil le ye baamɔfal aapar, le m ga li kii bi.”

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Nkahm 10:9

N‑yoonn mu ni bi nimi aatiŋ ni, ki buen butɔb ni, ki ban ni gaa nibaa lii nimi aadim bi lir ni pu na kan, ni pii kakaan tiib ngbaan baah ban bi piin butɔb pu na, le min Nidindaan Uwumbɔr ga ter nimi, ki nyan nimi, nimi aadim aaŋaal ni.

Nkahm 28:11

Uŋmal aajan aawiin daal kan, ni toor kitork ki ni ga di see mmii ni na tii Uwumbɔr. Naah ga di tiwakor ti toor na sɔ: inaajabi ilee, ni upihja, ni libiln libaa aapihjabi ilole, i mɔmɔk taa li kpa iween, ki li ŋan.

Nkahm 29:1

Ŋmalole aajan aawiindaal kan, ni kuun ni tɔb chee, ki nan doon Uwumbɔr; ni taa tun lituln libaa. Liyaadaal ngbaan kan, ni pii kakaan tiib.

Matiu 11:28

“Nimi bimɔk tun lituln ki ti bak na, dan m chee man, le m ga tii nimi lifuur.

Lituln 10:4

Waah kan Uwumbɔr aatuun ngbaan na, le u san ijawaan, ki baa u, “Maaninkpel, aa ban ba?” Le Uwumbɔr aatuun ngbaan bui u, “Uwumbɔr ŋun saameen, ki nyi saah ter bigiim pu na, ki teer aa bɔr.

1 Korenti 15:52

Kakaan yaa wii kookoo yaan kan, libuul ngbaan ni le ti ga kpeln. Naan pii linimbil aah ga kab pu na. Kakaan ga nan wii, le binib bi kpo na ga fikr nkun ni, kaan ki bur. Le Uwumbɔr ga kpeln timi aawon.

1 Tesalonika 4:16

Ba pu? Tidindaan ubaa ga nyan ni paacham ki sunn ni. U yaa sunn ni kan, le ti ga ŋun nneel sakpiin, ni Uwumbɔr aatuuntiib aaninkpel aaneel, ni Uwumbɔr aakakaan aawiil.

1 Tesalonika 4:18

Nima pu na, ni li tuk tɔb kina, aan ki sɔŋ tɔb aasui.

Josua 4:7

ni tuk bi ke bundaal bi nan di Uwumbɔr Aakaal Aadakaa koo sil Jɔɔdann Aamɔɔl ni na, limɔɔl ngbaan aanyun nan sil kaa ki puu. Ŋitakpal ŋee le ga li teer Israel yaab tiwan ni nan ŋa do na, n‑yoonn mɔmɔk.”

Josua 6:4

Nyan bitotoorb bilole, bi mɔmɔk ubaabaa ga li joo ikpiinja aayiin, ki loln binib bi tu Uwumbɔr Aakaal Aadakaa na pu nsan. Winlole daal kan, aa ni saajab ga chuun mann kitiŋ ngbaan nfum mulole, n‑yoonn ngbaan le bitotoorb bi joo ikpiinja aayiin na pii ikpiin.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.

1 Samuel 20:5

Le David bui u ke, “Fen le fe ye Uŋmapɔɔn Aajim, le ni ŋan ke m ji mu ubɔr chee. Ni yaa ga li ŋan aa chee kan, m ga buen ti bɔr ikpaakon ponn ni, ki ti saa daalpu aajook.