Nkahm 1:53 - Uwumbɔr aagbaŋ

⁵³ Le Liifai yaab ma ga kal gob Libool ngbaan ki li kii li, aan nima kan, biken taa duun li, ki cha maaŋuul fii aan m bii Israel yaab.”

Nkahm 1:53 ပူးပေါင်းရင်းမြစ်များ

1 Bibɔrb Aabɔr 23:32

Baatuln le nan ki ye ke bi li lik Uwumbɔr Aabool, ni Uwumbɔr Aadichal, ki li ter bido yaab bi ye Aaronn aayaabitiib ki ye bitotoorb, ki bi Uwumbɔr Aadichal aadoon ponn ni na.

2 Bibɔrb Aabɔr 13:10

“Le tima beenin dii Tidindaan Uwumbɔr, kaa yii u. Aaronn aayaabitiib bi ye bitotoorb na beenin tun baatun, le Liifai yaab ter bi.

2 Bibɔrb Aabɔr 13:11

Bi tii Uwumbɔr kichakpiik ni, ni kijook mɔk aatulalee aayon aapiin, ki toor tiwakor ki joo seer mmii ni tii u. Bi tii u boroboro aapiin teebul u paab bi chain u chee na, le kijook mɔmɔk kan, bi seer karyaa tiib bi tɔk salmaa aawan pu na. Ti tun Tidindaan Uwumbɔr aah mɔk pu na la, le nima yii u.

Jeremia 23:15

“Kina pu na, min Uwumbɔr Mpɔɔnsakpiindaan aah len bibɔnabr bi bi Jerusalem ni na aabɔr pu na sɔ: M ga di tisufar ti to na le tii bi, bi ji, ki tii bi njinn bi nyu, ba pu? bi cha titunwanbir gbiin kitiŋ kee mɔmɔk la.”

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Liifai Yaab 10:6

Moses nan ki bui Aaronn ni ujapɔtiib bilee bi gur ki bi, aan bi yin bi ke Eleasar ni Itamar na ke, “Ni toor nimi aayikpir, ki taa kar nimi aawanpeenkaan, ki taa cha nisui bii ninaabitiib ngbaan pu. Ni yaa cha nisui bii bi pu kan, ni mu ga kpo; le Uwumbɔr ga gee liŋuul ŋa Israel yaab mɔmɔk pu. Tɔ, nido yaab Israel yaab bi gur na wii baakpuul, Uwumbɔr aah cha mmii ku ninaabitiib na pu.

Nkahm 1:50

Di Maabool li m bi li ponn ni na, ni laawan mɔmɔk aatuln, di tii Liifai yaab bi li tun. Bima le ga li tui laawan mɔmɔk, ki li tun lituln li ponn ni, ki kal gob li.

Nkahm 1:54

Nima pu na, Israel aanib ngbaan nan ŋa tiwan ni mɔmɔk Uwumbɔr nan bui Moses ke bi ŋa na.

Nkahm 16:46

Le Moses bui Aaronn ke, “Yoor saamii aasambil, ki ban ŋimiisakɔn kitork aabimbiln pu ŋa li ponn ni, aan ki di tulalee aayon paan mu pu. Ŋa mala mala, ki di mu san buen binib ngbaan chee ki ti toor bi, bi ŋa chain. Ŋa mala mala. Uwumbɔr aaŋuul fii a, le bi piin ki kpoi.”

Nkahm 16:9

ni dak ke Israel yaab Aawumbɔr aah nyan nimi binib ngbaan mɔmɔk ni, ke ni li tun tii binib ngbaan mɔmɔk, aan ki ŋmaa sil unimbiin ni, ki tun Waabool ni aatuln mɔmɔk na, naa nyaŋ aa?

Nkahm 17:7

Moses nan di ŋidabil ngbaan mɔmɔk ti bil Libool ni, Uwumbɔr Aakaal Aadakaa taab.

Nkahm 2:17

Tɔ, njan aagetek ŋilee, ni gbelngbeln aagetek ŋilee aakaasisik ni, le Liifai aanib ga li sak bi ni, ki tu Libool ngbaan aawan mɔmɔk. Kina le ŋigetek ngbaan ga chuun ki ti kal paan tɔb pu kina, le bi mɔmɔk siin baatuutaa tiib.

Nkahm 3:23

Ntaŋaal mumina le nan ye bi ga kal liwilir wɔb, Uwumbɔr Aabool aapuwɔb na,

Nkahm 3:29

Ntaŋaal mumina le nan ye bi ga kal Uwumbɔr Aabool ngbaan aaŋangii wɔb na.

Nkahm 3:35

Ntaŋaal mumina le nan ye bi ga kal Uwumbɔr Aabool aaŋangan wɔb na, le Abihail aajapɔɔn Suriel nan ye baayidaan.

Nkahm 3:38

Moses, ni Aaronn, ni ujapɔtiib le nan ye bi ga kal Uwumbɔr Aabool ngbaan aabisamɔb wɔb, liwipuul wɔb na. Bima le nan lik ki tun lituln mɔmɔk Chain Aapepel ni, ki tii Israel aanib. Unii u mu ki pɔɔn ubaa ke u tun lituln ngbaan na kan, u ga kpo la.

Nkahm 31:30

Ligeln li ye litimbol ngbaan aanib yaan na, ni yaa kahn binaagbiib ti saa piiŋmu kan, ni ti nyan ubaa; ki ŋa inaa, ni ibon, ni ipiih, ni iŋoob mu kina, ki di ni tii Liifai yaab bi tun Uwumbɔr Aabool ponn ni lituln na.”

Nkahm 31:47

Ligeln limina ponn ni, le Moses nan nyan binaagbiib, ni tiwakor ponn ni, tii Liifai yaab bi nan bi Uwumbɔr Aabool ponn ni ki tun waatuln na. Tiwan piiŋmu mɔmɔk ni kan, le u ti nyan nibaa tii bi, Uwumbɔr aah nan tuk u ke u ŋa pu na.

Nkahm 8:19

M di Liifai yaab tii Aaronn ni ujapɔtiib, bi li ye Israel yaab aapiin tii bi, aan bi li tun Maabool ni lituln tii Israel yaab, bi li kiir Israel yaab tibɔbir ti bi yaa duun Chain Aapepel kan, bi ga kan ti na chee.”

2 Timoti 4:2

li chuun mooni waabɔr. Ni yaa ŋeer, bee naa kee ŋeer kan, aa li mooni waabɔr, ki kae binib, ki li kpaa bi, ki li sur bi, ki li kpa limɔr ki tuk bi Uwumbɔr aabɔr, ki taa di cha.

1 Samuel 6:19

Uwumbɔr nan ku Bef Semes aajab imonko itaa ni kipiik, ba pu? bi nan lik Uwumbɔr Aakaal Aadakaa ngbaan ponn ni la. Le binib ngbaan nan wii ikpowiil, Uwumbɔr aah tun bi litusakpeln pu na.