Nkahm 1:50 - Uwumbɔr aagbaŋ

⁵⁰ Di Maabool li m bi li ponn ni na, ni laawan mɔmɔk aatuln, di tii Liifai yaab bi li tun. Bima le ga li tui laawan mɔmɔk, ki li tun lituln li ponn ni, ki kal gob li.

Nkahm 1:50 ပူးပေါင်းရင်းမြစ်များ

2 Bibɔrb Aabɔr 24:6

kina pu le u nan yin Jehoyada, u ye baasaloln na, ki nan baa u ke, “Ba ŋa saa cha Liifai yaab gaa Juda ni Jerusalem yaab chee lampoo u Uwumbɔr aatutunn Moses nan bui ke binib ngbaan li pa, aan bi li joo toor Uwumbɔr Aabool na?”

Nehemia 12:22

Buyoonn Eliasib, ni Joyada, ni Jonatann, ni Jadua nan bi limɔfal ni ki ye bitotoorninkpiib na, le bi nan ŋmee Liifai yaab aamaal aadichadam ni bitotoorb aamaal aadichadam aayimbil. N‑yoonn ngbaan le Darius nan ye Pesia aabɔrkpaan.

Nehemia 12:47

Serubabel aayoonn, ni Nehemia aayoonn na, Israel aanib nan tii iwiin mɔmɔk aajikaar ki joo ter Uwumbɔr Aadichal ponn ni aalahngaab, ni biwangbaab, ni Uwumbɔr Aadichal aakikiib. Binib ngbaan nan ki di tijikaar tii Uwumbɔr, ti li ye Liifai yaab yaan, le bi mu ki lee tii bitotoorb, nkaal aah mɔk pu na.

Nehemia 12:8

Jesua, ni Binui, ni Kadmiel, ni Serebia, ni Juda, ni Matania, le nan ye binib bi gaa ilahn ki dooni Uwumbɔr na aayidam.

Nehemia 13:22

M nan cha Liifai yaab toor kitork ki ŋa bibaa chain ki buen ti kii ibisamɔi ngbaan ke bi taa cha unii ubaa koor Likpaakool daal aakoobil. Uwumbɔr, teer mbɔr nimina mu pu, ki san mi kinimbaak, saageehm sakpem pu.

Nehemia 13:5

U nan di kidiik ki wiir na tii Tobia. Kidiik ngbaan nan ye kidiik ki ponn ni bi nan siini tijikaar ti binib tii Uwumbɔr na, ni Uwumbɔr aatulalee aayon, ni Uwumbɔr Aadichal ponn ni aawan, ni ipiin i binib nan tii bitotoorb na; ni njikaabim, ni ŋisubil aadaan, ni olif aakpan aapiin i bi joo tii Liifai yaab, ni bilahngaab, ni biwangbaab, ni Uwumbɔr Aadichal aakikiib na.

Ilahn 122:4

Uwumbɔr aanib choo nima la, ke bi nan doon u, waakaal aah mɔk pu na.

Nnyam 31:18

N‑yoonn mu Uwumbɔr len Moses chee tibɔr doo, Sainai Aajool paab na, le u di ŋitakpapapan ŋilee ŋi uma Uwumbɔr ubaa ŋmee waakaal ŋi pu na di tii u.

Nnyam 38:21

Baah nan di tikur timɔk ŋa Uwumbɔr Aabool li ponn ni ŋitakpapapan ŋilee ŋi pu Uwumbɔr nan ŋmee ikaal kipiik na aakahm sɔ: Moses le nan cha Liifai yaab ŋmee tiwan ngbaan mɔmɔk, le utotoor Aaronn aajapɔɔn Itamar nan mɔk bi baah ga ŋmee ni pu na.

Nkahm 1:53

Le Liifai yaab ma ga kal gob Libool ngbaan ki li kii li, aan nima kan, biken taa duun li, ki cha maaŋuul fii aan m bii Israel yaab.”

Nkahm 10:21

Liifai yaab bi ye Kohaf aataŋaal ni aanib na mu ga paan, ki tu Uwumbɔr aah ŋa tiwan ni chain na. N‑yoonn mu bima ti fuu nkakaa chee na mui bi ki gaa Uwumbɔr Aabool ngbaan a.

Nkahm 17:7

Moses nan di ŋidabil ngbaan mɔmɔk ti bil Libool ni, Uwumbɔr Aakaal Aadakaa taab.

Nkahm 18:5

Sin, ni aajapɔtiib baanja le ga tun Chain Aapepel wɔb, ni kitork aabimbiln pu aatuln. Nima kan, maaŋuul aan ki fii Israel yaab pu.

Nkahm 2:17

Tɔ, njan aagetek ŋilee, ni gbelngbeln aagetek ŋilee aakaasisik ni, le Liifai aanib ga li sak bi ni, ki tu Libool ngbaan aawan mɔmɔk. Kina le ŋigetek ngbaan ga chuun ki ti kal paan tɔb pu kina, le bi mɔmɔk siin baatuutaa tiib.

Nkahm 20:11

Le Moses yoor lidabil ngbaan ki di faa litakpal ngbaan nfum mulee, le nnyusakpem puu nyan ni, le binib ngbaan mɔmɔk ni baawakor nyun.

Nkahm 4:15

Ni yaa ti ŋeer buyoonn ni ban ni fii buen nibaa chee, aan Aaronn ni ujapɔtiib yaa poo poo tiwan nimɔk m ŋa ni chain na doo na kan, Kohaf aataŋaal ni aanib le ga yoor tiwan ngbaan mɔmɔk tun. Kohaf aataŋaal ni aanib taa meeh tiwan nimɔk m ŋa ni chain na, bi yaa meeh ni kan, bi ga kpo. “Bi yaa ti ber Maabool n‑yoonn mu na kan, Kohaf aataŋaal ni aanib aatuln le na.

Nkahm 4:3

ki ŋmee bijab bi ye ŋibin piitaa ki ti saa piiŋmu ki ŋeer bi tun lituln Maabool ponn ni na aayimbil.

Nkahm 8:19

M di Liifai yaab tii Aaronn ni ujapɔtiib, bi li ye Israel yaab aapiin tii bi, aan bi li tun Maabool ni lituln tii Israel yaab, bi li kiir Israel yaab tibɔbir ti bi yaa duun Chain Aapepel kan, bi ga kan ti na chee.”

Nkahm 8:20

Nima pu na, Moses ni Aaronn, ni Israel yaab mɔmɔk nan di Liifai yaab tii Uwumbɔr, waah nan bui Moses ke u ŋa pu na.

Nkahm 8:22

Binib ngbaan nan ŋa Uwumbɔr aah nan bui Moses ke u ŋa Liifai yaab pu na. Nima pu na, Liifai yaab nan ŋeer ke bi ŋmaa tun, Aaronn ni ujapɔtiib aah tuk bi ke bi ŋa pu na.

Tibɔkpiirkaan 15:5

Nimina aapuwɔb le m kan ke bi nan chuu piir Uwumbɔr Aapepel li bi chain chain na aan li bi waabool ponn ni paacham na,