Nkahm 1:4 - Uwumbɔr aagbaŋ

⁴ Nyan itaŋaal mɔmɔk ponn ni uyidaan ubaabaa, bi li ye Israel yaab aanibol mɔmɔk ni aanib, aan bi ter nimi.”

Nkahm 1:4 ပူးပေါင်းရင်းမြစ်များ

1 Bibɔrb 8:1

Ubɔr Solomonn nan yin Israel aanibol, ni itaŋaal aasalolm mɔmɔk, ke bi kuun ni Jerusalem aatiŋ ni, ki nan yoor Uwumbɔr Aakaal Aadakaa nya David aatiŋ Sionn ni, ki di buen Uwumbɔr Aadichal ni.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Nnyam 18:25

le ki nyan Israel yaab ponn ni bijab bi ga ŋmaa toor biken aabɔr na. U nan di binib lichur lichur, ni nkub nkub, ni piiŋmu piiŋmu, ni kipiik kipiik, ki tii bisalolm ngbaan, bi mɔmɔk aah ga ŋman pu na.

Nkahm 17:3

ki ŋmee Aaronn aayimbil, Liifai yaab aanibol aadabil pu. Ŋinibol ngbaan mɔmɔk aayidam ga li kpa lidabil libaabaa la.

Nkahm 25:14

Israel yaab aaja u Fineas nan kpaan ku u ni Midiann yaab aapii na, bi nan yin u ke Simri u nan ye Salu aajapɔɔn na. Salu nan ye Simeonn aanibol aamaal ponn ni aaninkpel la.

Nkahm 25:4

le ki bui Moses ke, “Chuu Israel yaab aayidam mɔmɔk, aan ki ku bi nwiin pu, nnimbiin ni, le maan ki gee liŋuul binib ngbaan pu.”

Nkahm 30:1

Moses nan ki di Israel yaab aayidam aabɔr timina mɔmɔk tuk bi.

Nkahm 4:34

Moses, ni Aaronn, ni Israel yaab aaninkpiib nan dii Uwumbɔr aah tuk bi pu na, ki nan kahn Liifai yaab aataŋaal aanib bi ye Kohaf, ni Gesonn, ni Merari yaab na. Bi nan kahn bi ntaŋaal ntaŋaal, ni mmaal mmaal, bijab bi ye ŋibin piitaa ki ti saa piiŋmu, ki ga ŋmaa tun lituln Uwumbɔr aanimbiin ni, Waabool ni na. Bima sɔ: Ntaŋaal Nkahm Kohaf ŋichur ŋilee, ni ikui ilole ni piiŋmu Gesonn ŋichur ŋilee, ni ikui iloob ni piitaa Merari ŋichur ŋitaa, ni ikui ilee Baah nan kpaan saa pu na sɔ: ŋichur ŋiniin, ni ikui iŋmu ni imonko inaa.

Nkahm 7:2

Le itaŋaal mɔmɔk aayidam bi ye Israel yaab aanibol mɔmɔk pu bisalolm, aan ki cha bi kahn binib na,

Ikaal 1:15

Nima pu na, m nan di binib bi kpa nlan, ki nyi mbimbin mbamɔm, aan ni nan nyan bi nimi aanibol ni ki di bi tii mi na, ki di nimi kpaan bi. Bibaa nan lik nimi binib lichur, biken mu binib nkub, le biken mu binib piiŋmu, biken mu kipiik. M nan ki nyan biyidam bibaa mu ke bi li lik ŋinibol ngbaan mɔmɔk.

Josua 22:14

Israel yaab aaninkpiib bi nan ye bisalolm na kipiik le nan kpee Fineas pu, bi nan nyan liwilir wɔb aanibol aaninkpiib ni la, le bi mɔmɔk nan ye biyidam, baataŋaal ponn ni.