Nkahm 1:3 - Uwumbɔr aagbaŋ

³ bi ye ŋibin moninko, ni bi jer kina, ki ga ŋmaa buen butɔb na aayimbil.

Nkahm 1:3 ပူးပေါင်းရင်းမြစ်များ

2 Samuel 24:9

Bi nan dan nan bui ubɔr, bijab bi ŋeer bi buen butɔb na aah nan ti kpaan pu na. Israel yaab nan ye bijab ŋichur ikui iniin la, le Juda yaab nan ye bijab ŋichur ikui iŋmu.

1 Bibɔrb Aabɔr 5:18

Butɔb aajab ŋichur imonko ilee ni ŋinaa, ni ikui ilole ni imonko itaa le nan bi Rubenn, ni Gad aanibol, ni Manase aanibol ligeln li bi liwipuul wɔb na ni. Bijab ngbaan nan nyi kijaak aapen, ni kijaak aajum, ni itɔi aabɔr pam.

2 Bibɔrb Aabɔr 25:5

Ubɔr Amasia nan kuun Juda ni Benjaminn aajab mɔmɔk, baataŋaal pu ŋiker ŋiker, le ki tii bi mɔmɔk bininkpiib. Bininkpiib ngbaan bibaa aajab nan ye lichur lichur, le biken mu joo bijab nkub nkub. Bijab ngbaan mɔmɔk nan ye bijab bi ye ŋibin moninko ki jer na. Bi nan ti saa bijab ŋichur ikui itaa la. Bi nan ye bijab bi bi gann bi na la, le bi nan ŋeer butɔb. Bi nan nyi tikpaatunn ni kijaak aapen aabɔr mbamɔm.

Nnyam 12:17

Ni li teer njim ngbaan aabɔr ki li joo mu, ba pu? nwiin ngbaan daal le m nyan nimi aanibol Ijipt aatiŋ ponn ni. N‑yoonn mu choo na, ni li teer njim ngbaan aawiin daal, ki li nyuŋni mu.

Nnyam 30:14

Baah kahn umɔk aan u fuu ŋibin moninko ki jer na ŋeer u pa kina aamombil tii mi.

Nnyam 38:26

Baah nan kahn binib bi fuu ŋibin moninko ki jer na le nan pan tikunabr aakur ngbaan ŋeer baah ye pu na. Binib ngbaan mɔmɔk nan ye binib ŋichur ikui iloob ni ŋitaa ni ikui iŋmu ni piiŋmu la.

Nkahm 14:29

Ni ga kpo doo ki bee nteersakpiin mue ni, ba pu? nimi bi ye ŋibin moninko ki jer na aah ŋulni m pu pu na, ni ponn ni ubaa kina aan koo kitiŋ ngbaan ni.

Nkahm 26:2

“Kahn Israel yaab mɔmɔk mmaal mmaal, bijab bi fuu ŋibin moninko ni bi jer ki ŋeer ke bi buen butɔb na.”

Nkahm 3:15

ke u ŋmee Liifai yaab aayimbil ki kahn bi itaŋaal itaŋaal, ni mmaal mmaal, ki ŋmee ubijabo umɔk fuu uŋmal ubaa na, ni bi jer kina na,

Nkahm 32:11

‘M puu ke naah kaa si nchaŋ ni mbamɔm na, nimi bijab bi ye ŋibin moninko ki jer na ki nan nyan ni Ijipt aatiŋ ni na, naan koo kitiŋ ki m nan puu ke m ga di tii Abraham, ni Aisak, ni Jakob na ni.’

Nkahm 33:1

Moses ni Aaronn aah nan di Israel yaab aanibol nyan Ijipt aatiŋ ni, ki dii, ki kaa ntim mu ni na aabɔr sɔ.

Nkahm 4:3

ki ŋmee bijab bi ye ŋibin piitaa ki ti saa piiŋmu ki ŋeer bi tun lituln Maabool ponn ni na aayimbil.

Ikaal 24:5

“Uja yaa laa yoor upii kan, ni taa di uja ngbaan buen butɔb yaan, ki mu taa tii u tininkpir aatuln libaa ke u tun, ki ti saa libiln libaa. Nima kan, u ga li bi linampal, upuu chee, aan bi li kpa mpopiin.

Ikaal 3:18

“N‑yoonn ngbaan, maah nan ki di tibɔr ti tuk bi na sɔ: ‘Tidindaan Uwumbɔr le di Jɔɔdann Aamɔɔl aawipuul aatiŋ kee tii nimi. Dandana wee, cha nimi aajab gor bibaa ki puur Jɔɔdann Aamɔɔl, ki loln Israel aanibol ŋi gur na nsan, aan ki ti ter bi mu bi gaa baatiŋ.