Ŋiyataŋak 9:10 - Uwumbɔr aagbaŋ

¹⁰ Aa yaa ban aa li kpa nlan kan, puen bee Uwumbɔr ke uma le yeh kipak mɔmɔk. Aa yaa bee Uwumbɔr u ye Chain na kan, aa sil kpa nlan.

Ŋiyataŋak 9:10 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 111:10

Aa yaa ban aa li kpa nlan kan, nyuŋ Uwumbɔr; u tii binib bi keei waamɔb na nlan. Ni ŋan ke ti pak u n‑yoonn mɔmɔk.

Ilahn 34:12

Aa ban ke aa ji tinachipɔnn aa? Aa ban limɔfal li mɔ ki fɔk na aa?

Ŋiyataŋak 1:7

Waahr aan aa nin kan nlan na, see aa kpa kipak ni ijawaan ki tii Uwumbɔr. Bijɔrb ma aa ban nlan, ki yii ke baan bae mu.

Ŋiyataŋak 2:5

Aa yaa ŋani kina kan, aa beer naah ŋan sakpen pu ke aa li san Uwumbɔr ijawaan, aan ki bee waabɔr na.

Ŋiyataŋak 30:3

Maa bae nlan daalbaadaal, kaa nyi Uwumbɔr aabɔr tibaa.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Matiu 11:27

“Tɔ, Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn, see Nte Uwumbɔr. Ubaa mu aa nyi Nte Uwumbɔr, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.