Ŋiyataŋak 8:27 - Uwumbɔr aagbaŋ

²⁷ M nan bi le u di kitaapaak siin kaabuul ni, ki taln ntaalangbam ti siin nnyusakpem aanaanmɔk,

Ŋiyataŋak 8:27 ပူးပေါင်းရင်းမြစ်များ

Job Aagbaŋ 26:10

U lol nkuul le gonn nnyusakpem paab le ki yakr nwiin ni mbɔmbɔɔn tɔb chee.

Ilahn 103:19

Uwumbɔr di waabɔrjal siin paacham; uma le ye unibɔn ni tiwan mɔmɔk aabɔr.

Ilahn 136:5

U di waalan le naan paacham; waageehm aa kpa ndoon.

Ilahn 33:6

Uwumbɔr len, le paacham naan, le ki ki len, le nwiin, ni uŋmal, ni iŋmabi naan.

Ŋiyataŋak 3:19

Uwumbɔr nan di nlan le ki di naan dulnyaa, waalan le u di kitaapaak siin kaah bi nin chee na.

Ŋiyataŋak 8:26

m nan bi le Uwumbɔr nin naan kitiŋ ni kaakpaakon, ni njan aatan ti ga gbiin liŋaakul libaa na.

Ŋiyataŋak 8:28

m nan bi le u di ntaalangbam di ŋa kitaapaak ni, m nan bi le u chuu piir nnyusakpem aanyunbun

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 40:22

Uwumbɔr u ka waabɔrjal li bi paacham kitaapaak ni na le nan naan dulnyaa wee; binib bi bi taab na naahn inyann le u chee. U taln kitaapaak ke likekeln na la, ke baah ga ŋa likekeln aabool ki li koo li ponn ni pu na.

Jeremia 10:12

Uwumbɔr di waapɔɔn le naan kitiŋ; waalan le u di naan dulnyaa wee, le ki taln paacham.

Kolosiya 1:16

ba pu? Uwumbɔr nan cha u naan tiwan mɔmɔk, ni bi paacham, ni ni bi kitiŋ na, ni taah waa ni na, ni taah kaa waa ni na; ni yaa ye nnaan, bee ipɔɔn, bee bitinjoob, bee tininkpir, uma le nan naan ni mɔmɔk ke ni li nyuŋni u.

Hiibru Yaab 1:2

Kookoo aayoonn mue le u cha Ujapɔɔn tuk timi waabɔr. Uma le u nan cha u naan dulnyaa wee, ki len ke uma le ga li yeh tiwan mɔmɔk.