Ŋiyataŋak 8:23 - Uwumbɔr aagbaŋ

²³ Min le u nan pue naan njan, le dulnyaa nin piin.

Ŋiyataŋak 8:23 ပူးပေါင်းရင်းမြစ်များ

Mpiin 1:26

Uwumbɔr nan ki bui ke, “Cha ti naan binib, bi li bi ke timi na, ki li naahn timi. M ga tii bi mpɔɔn, bi li lik ijan, ni inyoon, ni ipeel, ni tiwakor, tisakpiin ni tiwaatiir mɔmɔk pu.”

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ŋiyataŋak 4:7

Nlan aakam le ye tiwankpaan ni aa ga ŋa na. Li ban nlan ki jer tiwan ni mɔmɔk aa neen na.

Maika 5:1

Jerusalem aanib, kuun nimi aajab man. Bi loon timi a. Bi bi tak Israel aayidaan la.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Jɔnn 1:1

Uwumbɔr aah kaa nan kee naan dulnyaa na, ubaa nan bi, bi yin u ke Limɔboln. U nan bi Uwumbɔr chee, ki bi ke Uwumbɔr aah bi pu na.

Jɔnn 17:24

“Nte Uwumbɔr, saah tii mi binib bi na, m ban bi mu li bi maah bi nin chee na, ki kan saah nyuŋ mi pu na; saah kaa nan kee naan dulnyaa buyoonn na, aa nan gee mi.

Jɔnn 17:5

Nte Uwumbɔr, dulnyaa aah kaa nan kee bi buyoonn na, m nan bi aa chee, le aa nyuŋ mi. Nte, ki nyuŋ mi kina aa chee.