Ŋiyataŋak 8:15 - Uwumbɔr aagbaŋ

¹⁵ M ter bibɔrb le bi joo baanib, le ki ter biyidam le bi siini ikaal i ŋan na.

Ŋiyataŋak 8:15 ပူးပေါင်းရင်းမြစ်များ

1 Bibɔrb 10:9

Li pak Aadindaan Uwumbɔr. U mɔk si waah gee si sakpen pu na le ki di si ŋa Israel yaab aabɔr. Waah gee Israel yaab n‑yoonn mɔmɔk pu na, le u di si ŋa ubɔr ke aa cha waakaal ni ibamɔn li bi.”

1 Bibɔrb 3:28

Israel aanib aah ŋun Solomonn aah nan siin pu na, le bisui nan gbiin kipak u pu, ba pu? bi nan bee ke Uwumbɔr tii u nlan ke u li joo ji tibɔr ibamɔn ni.

1 Bibɔrb 3:9

Kina pu na, tii mi nlan mu m ga ŋmaa di joo saanib ibamɔn ni, ki li nyi ni ŋan na, ni ni kaa ŋan na. Naa ye kina kan, m ga ŋa kinye aan ki joo saanisakpem bimina?”

1 Bibɔrb 5:7

Hiram aah ŋun tibɔr ngbaan na, le usui nan piir ki ti nyaŋ, le u bui ke, “Pak Uwumbɔr din wee, waah tii David ubolandaan u ke u nab waanaan pu, litimbol kpaan lee ni na.”

1 Bibɔrb Aabɔr 28:5

U cha m ma mbijabim pam, le bi mɔmɔk ponn ni u lee Solomonn ke u li joo Israel aatiŋ ki ye Uwumbɔr aanaan na.

2 Bibɔrb Aabɔr 1:10

Kina pu na, tii mi nlan mu m ga ŋmaa di joo bi na. Ni yaa kaa ye kina kan, m ga ŋa kinye aan ki joo saanisakpem bimina?”

2 Bibɔrb Aabɔr 1:11

Uwumbɔr nan gar Solomonn ke, “Aa lee tiwan ni ŋan na la. Aa yii, kaa mee ke m tii si liwangol, bee nkam, bee liyimbil, bee m ku saadim tii si, bee m tii si limɔfafɔfɔŋ, le ki tee ban nlan mu aa ga ŋmaa di joo maanib, bi pu m di si ŋa ubɔr na.

Ilahn 2:10

Nimi bibɔrb, li pel man nsurm mue; nimi dulnyaa aajojoob, bae man mbaem mue:

Ilahn 99:4

Ubɔrkpaan, aa gee ibamɔn aawan la; aa cha ibamɔn bi Israel aatiŋ pu; aa joo ni mbimbinyaan ni ibamɔn.

Ŋiyataŋak 29:4

Ubɔrkpaan u aatafal bi ibamɔn ni na aatiŋ kpa mpɔɔn, le ubɔr u aatafal bi ŋimombil ni na aatiŋ ga kuln.

Ŋiyataŋak 8:16

Maaterm pu le uyidaan umɔk bi kitiŋ kee pu na ŋmaa joo waanib, kina le m ter bijojoob ni bininyuum mu.

Aisaya 1:26

M ga tii nimi biyidam bi ga li sur nimi ke naah nan puen kpa pu na. N‑yoonn ngbaan le bi ga ki yin Jerusalem aanib ke binib bi ŋan ki dii mi Uwumbɔr baanja na.”

Jeremia 33:15

N‑yoonn ngbaan le m ga lee Ubɔrkpaan David aayaabil u aabimbin ŋan na ŋa ubɔr. Ubɔr ngbaan ga ti tun ni ŋan ki ye ibamɔn na le kitiŋ ngbaan mɔmɔk pu.

Daniel 2:21

Uma le joo n‑yoonn, ni tiwan nimɔk bi na; u kaani bibɔrb ki nyani bibɔrb; ni ye uma le tii nlan ni mbeem.

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Rom Yaab 13:1

Ni ŋan ke binib mɔmɔk li keei baatiŋ aayidam aamɔb. Uyidaan ubaa aa bi ubaa pu see Uwumbɔr le cha u bi. Biyidam bi bi na, Uwumbɔr le nyan bi siin.

Tibɔkpiirkaan 19:11

Le m kan kitaapaak chuu piir, ki kan utapiin. U dik u pu na aayimbil le ye ke, “Mbamɔndaanyaan.” U yaa ji binib tibɔr kan, u tii bi baabamɔn, ki mu dii nsanyaan ki ti to butɔb.

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 9:17

Samuel aah yaar tuu Sɔɔl pu na, le Uwumbɔr bui u ke, “Uja wee le m tuk si waabɔr na. Uma le ga joo maanib.”