Ŋiyataŋak 8:13 - Uwumbɔr aagbaŋ

¹³ Saah ga nyuŋ Uwumbɔr pu na le ye ke aa yii kinimbɔŋ; maa gee kigaak, ni inimpoo, ni kinimbɔŋ aasan, ni inyamɔn aamɔliin.

Ŋiyataŋak 8:13 ပူးပေါင်းရင်းမြစ်များ

Job Aagbaŋ 1:1

Uja ubaa nan bi Us aatiŋ ni, bi nan yin u ke Job. Job nan dooni Uwumbɔr le ki dii u mbamɔm. U nan ye uninyaan, le kaa gee titunwanbir aatuln.

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 101:3

kaan kii tii titunwanbir kpala. M nan binib bi fenn bipuwɔb tii Uwumbɔr na; m ni bima aan kpaan ki tun lituln.

Ilahn 119:104

M kani nlan saakaal chee pam, kina pu na, maa gee mbimbin mumɔk kaa ŋan na.

Ilahn 119:128

Kina pu na, m dii saakaal mɔmɔk; le kaa gee nsan mumɔk kaa ŋan na.

Ilahn 138:6

Aa bi paacham paacham la, le aatafal tee bi binib bi sunn bibaa taab na ni, le binib bi kpa kigaak na aan ŋmaa bɔr si.

Ilahn 97:10

Uwumbɔr gee binib bi kaa gee titunwanbir na; u kii waanib aamɔfal; u gaal bi bibiindam chee lir.

Nnyam 1:17

Bimamaam ngbaan mu nan san Uwumbɔr ijawaan, le kaa kii ubɔr ngbaan aamɔb, le kaa ku mbijabim ngbaan.

Ŋiyataŋak 10:31

Binib bi aabimbin ŋan na len nlan aamɔbon la, le lilambil li len tibɔbir na ga ŋmin chii.

Ŋiyataŋak 15:9

Uwumbɔr aa gee titunwanbirdam aabimbin, le ki gee binib bi ŋani tiwan ni ŋan na aabimbin.

Ŋiyataŋak 16:18

Kipupuk joo ni libiil la, le kigaak joo ni nkun.

Ŋiyataŋak 16:5

Uwumbɔr aa gee unii u yoor ubaa paacham na; waan cha u nya ntafadaan ni kpala.

Ŋiyataŋak 16:6

Li dii mbamɔm ki li si chob aan Uwumbɔr di saatunwanbir cha pinn si. Kii tii Uwumbɔr ki taa kan tibɔbir tibaa.

Ŋiyataŋak 3:7

Taa dakl daalbaadaal ke aa nyi jer saah nyi pu na; kii tii Uwumbɔr, ki yii titunwanbir aatum.

Ŋiyataŋak 4:24

Taa len tibɔr ti kaa gbii na. Taa li neen inyamɔn ni tibɔr ti ŋmanni na.

Ŋiyataŋak 6:12

Nifam mam ni bibiindam le geei inyamɔn.

Aisaya 13:11

Uwumbɔr len ke, “M ga joo ni falaa kitiŋ kee pu aan ki daa titunwanbirdam mɔmɔk aatafal baatunwanbir pu. Umɔk kpa kigaak ni mbiin na, m ga daa utafal ki sunn bigaadam mɔmɔk taab.

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Amos 6:8

Tidindaan Uwumbɔr Mpɔɔnsakpiindaan le tii nsurm mumina: “M nan Israel yaab aagaak, kaa neen baadichasakpiin ŋi kpa kinyaan ni tiwan mɔmɔk na. M ga di baatiyil ni tiwan ni mɔmɔk bi ki ponn ni na di tii baadim.”

Sekaria 8:17

Ni taa ŋa nlandak ke ni tun niŋeen aatɔ taani. Ni taa puu tipuur ki ŋa inyamɔn aaseeraadaan. Maah kaa gee tiwan ni na le ye inyamɔn, ni ibamɔn gangal, ni mbimbin mu pɔɔ na.”

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

1 Tesalonika 5:22

Ni yii man isan i kaa ŋan na mɔmɔk aabɔŋ.

2 Timoti 2:19

Tɔ, Uwumbɔr aanib ye waadinyikl li pɔɔ, ki kpa kidaan, ki si na la. Kidaan ngbaan le ye ke, “Uwumbɔr nyi binib bi ye waanib na,” ki ki ye ke, “Binib bi pur Uwumbɔr aayimbil na mɔmɔk di cha titunwanbir.”

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

1 Samuel 2:3

Di cha nimi aapupuk ngbaan man; ŋmin man nimi aagaak aamɔliin ngbaan; ba pu? Uwumbɔr ye Uwumbɔr u nyi na la, le ki nyi binib mɔmɔk aah ŋani pu na.