Ŋiyataŋak 7:2 - Uwumbɔr aagbaŋ

² Ŋa maah tuk si pu na ki li kpa limɔfal. Li dii maah mɔk si pu na mbamɔm ke saah kii saanimbil pu na.

Ŋiyataŋak 7:2 ပူးပေါင်းရင်းမြစ်များ

Ilahn 119:144

Saakaal si chob n‑yoonn mɔmɔk la; tii mi nlan mu m ga li joo beer tiwan aatataa na, ki cha m li kpa limɔfal.

Ilahn 17:8

Li kii mi ke saah ga kiir aabaa aanimbil pu na; di mi bɔr saafeen aajunjuŋ ni,

Ŋiyataŋak 4:13

Li teer saah bae tiwan ni na n‑yoonn mɔmɔk. Saabaen le ye saamɔfal, li kii mu mbamɔm.

Ŋiyataŋak 4:21

Taa cha ŋi nya aa chee daalbaadaal. Teer ŋi ki li joo ŋi aasui ni.

Ŋiyataŋak 4:4

U ga nan len ke, “Teer maah tuk si pu na n‑yoonn mɔmɔk ki taa suln ni daalbaadaal. Ŋa maah mɔk si pu na, ki li kpa limɔfal.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Jeremia 38:20

Le m bui u ke, “Baan di si tii bi. M gaŋ si ke aa kii Uwumbɔr aabɔr, ki cha kinyaan dan aa chee, le aa ŋmar.

Liifai Yaab 18:5

Ni li ŋani ki li dii maakaal i m di mɔk nimi na; ni yaa ŋa kina kan, ni ga li kpa limɔfal. Min le ye Uwumbɔr.”

Sekaria 2:8

Uwumbɔr Mpɔɔnsakpiindaan u kpa kipak mɔmɔk na di tibɔr timina tun mi ŋitimbol ŋi nan jan ki gaa waanib aawan na chee ke: “Unii umɔk faa maanib na faa tiwan ni m gee sakpen ke nnimbil na la.

Jɔnn 14:21

“Unii umɔk nyi maakaal ki kii mu na, uma le gee mi. Unii yaa gee mi kan, Nte Uwumbɔr ga li gee udaan ngbaan. M mu ga li gee u, ki ga di mbaa mɔk u.”

Jɔnn 15:14

Ni yaa ŋani maah tuk nimi pu na kan, ni ye njɔtiib la.

Ikaal 32:10

Bi nan chuun bi nteersakpiin ni, le u kan bi, nteersakpiin mu libuln li kuur na daar aan nibaa aa punni na. Uma le nan lik ki kii bi ke waah ga li joo ubaa pu na;

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.