Ŋiyataŋak 7:10 - Uwumbɔr aagbaŋ

¹⁰ Le upii ngbaan to u nsan ni; u nan buu ubaa ke upiidagoor na, le ki bi dak waalandak uyil ni.

Ŋiyataŋak 7:10 ပူးပေါင်းရင်းမြစ်များ

Mpiin 3:1

Uwumbɔr aah nan naan ipeel imɔk na, uwaa le nan kpa nlan ki jer i mɔmɔk. Le u baa upii ngbaan ke, “Uwumbɔr sil bui ke ni taa ji kisaak ngbaan ni aasub bubaa aasubil aa?”

2 Bibɔrb 9:22

Le Joram baa u ke, “Aa joo nsuudoon le choo oo?” Le Jehu gar u ke, “Nsuudoon ga ŋa kinye ki li bi ti chee, aana Jesebel aah piin kisook ni ŋiwaa ŋi na ponn ni?”

2 Bibɔrb 9:30

Jehu nan fuu Jesreel aatiŋ ni. Tɔ, Jesebel aah ŋun tibɔr ti ŋa na pu na, le u bal chaloo, ki chaal uyikpir mbamɔm le ki ti sil libɔrdichal ponn ni aatakolu ubaa chee, ki si lik kitiŋ ponn ni.

Ŋiyataŋak 23:28

Bi dɔ kii si ke binaayukb na la, le ki cha bijab pam bii baasan.

Aisaya 23:16

Yoor saabeek, mann gonn kitiŋ ngbaan, sin udagoorgiin u bi suln u pu na. Li gbaa ki, ki gir gaa saalahn, ki ki gir giin ni bijab aa chee.

Jeremia 4:30

Jerusalem aanib, ni kuln a. Ba ŋa ni pee ŋikekenyaan? Ba ŋa ni gbin nleenyaan ki di nkpanyaan boon ninimbil wɔb? Ni toor nibaa fam la. Nibɔtiib yii nimi le ki ban bi ku nimi.

1 Timoti 2:9

M ban ke bipiib li pee tiwanpeenkaan ni ŋeer bipiib bi dii Uwumbɔr na, ki li bi suuna, ki taa li kpa kalmbaani, ki taa fiini tiyikpir sakpen siini, ki taa tuun ŋitafajɔn ŋi kpa kidaak na, ki taa gbin nleen mu kpa kidaak na, ki taa li peeni tiwanpeenkaan ni kpa kidaak na.