Ŋiyataŋak 6:23 - Uwumbɔr aagbaŋ

²³ Baamɔkm ye nwiin mu moor lak lak na la, baasurm ga ŋmaa mɔk si saah ga li bi pu na.

Ŋiyataŋak 6:23 ပူးပေါင်းရင်းမြစ်များ

Mpiin 39:8

Le u yii ki bui u ke, “Lik, m pu le maaninkpel di waachiln ni aawan mɔmɔk, ki di ŋa ŋŋaal ni, le utafal aa ki bi nibaa ponn ni. U bui mi ke m li lik waawan ngbaan mɔmɔk.

Ilahn 119:105

Saamɔboln ye karyaa u mɔk mi nsan na la, le ki wiin maasan ni.

Ilahn 119:130

Saakaal aatataa tii inimbiwoln la, le ki tii maanyidam nlan.

Ilahn 141:5

Unii u aabimbin ŋan na ga ŋmaa daa ntafal ki di tibɔnyaan sur mi. Maan tee gaa kinyuŋ titunwanbirdam chee, ba pu? n‑yoonn mɔmɔk kan, m mee limeel baatunwanbir ngbaan pu la.

Ilahn 19:8

Uwumbɔr aakaal ye ibamɔn la, le binib bi kii tii i na kpa mpopiin. Uwumbɔr aakaal si chob la, le ki tii unibɔn aasui ŋuntii.

Ŋiyataŋak 10:17

Binib bi ŋun tii nsurm na kpa limɔfal, le binib bi kaa kii ke unii sur bi na bi tibɔbir ni.

Ŋiyataŋak 15:24

Bilandam aasan cha paacham limɔfal chee la, naa ye nsan mu cha taab nkun ni na.

Ŋiyataŋak 15:31

Unii umɔk kpa ŋuntii nsurm chee na kpa nlan le na.

Ŋiyataŋak 29:15

Nsurm ni ntafadaan ŋan tii bibilb la. Ubo yaa ŋani waageehn kan, u ga nan tii una inimɔɔn la.

Ŋiyataŋak 3:18

Binib bi kan nlan na kpa mpopiin. Nlan ga tii bi limɔfal li kaa kpa ndoon na.

Ŋiyataŋak 4:13

Li teer saah bae tiwan ni na n‑yoonn mɔmɔk. Saabaen le ye saamɔfal, li kii mu mbamɔm.

Ŋiyataŋak 4:4

U ga nan len ke, “Teer maah tuk si pu na n‑yoonn mɔmɔk ki taa suln ni daalbaadaal. Ŋa maah mɔk si pu na, ki li kpa limɔfal.

Ŋiyataŋak 5:12

le aa ga bui ke, “Ba ŋa m nan yii kaa bae? Ba ŋa maa nan cha ubaa sur mi?

Ulandaan 7:26

M nan bee ke upii u kaa ŋan na cho jer nkun. Ngeehm mu u ga di tii si na ga chuu si ke gaawɔb, bee kipɔɔk aah ga chuu si pu na la. Le uŋaal aah kpal si pu na ga chuu si ke tikululn na. Uja u Uwumbɔr aasui piin u pu na ga ŋmar u chee, le u ga chuu utunwanbirdaan ma.

Ulandaan 7:5

Binib bi kpa nlan na yaa sak si kan, ni soor ni bilatiirb li gaa ilahn ki pak si.

Aisaya 8:20

Le ni ga gar bi ke, “Li pel man Uwumbɔr aah mɔkni nimi pu na. Taa pel man bipɔnijoob aah len pu na. Baah tuk nimi pu na aa kpa tinyoor.”

Jeremia 21:8

Le Uwumbɔr ki bui mi ke m tuk binib ngbaan ke, “Li pel man, min Uwumbɔr ban ke ni lee isan ilee yee ponn ni mubaa la; nsan mu cha limɔfal ni na, ni nsan mu cha nkun ni na.

Esekiel 20:11

M nan tuk bi maah ban bi li bi pu na, ki mɔk bi maakaal i tii unii umɔk gaa i ki kii na limɔfal na.

Liifai Yaab 19:17

“Aa taa li joo aaŋeen aatɔ liŋuul; pɔɔn aabaa ki toor nimi aabɔr ni man, nima kan, saan tun titunwanbir u pu.

2 Piita 1:19

Nima le mɔk timi ke Uwumbɔr aabɔnabtiib aah nan len Yesu aabɔr pu na, bi len mbamɔn la. Ni ŋan ke ni kii baah len pu na. Baaliin bi ke karyaa u wiin mbɔmbɔɔn ni na aah bi pu na. I ga woln ninimbil ki ti saa buyoonn Yesu Kristo ga gir ni ki nan woln ninimbil mbamɔm na.

Tibɔkpiirkaan 2:5

Teer man naah nan bi pu, kaa ki bi kina dandana wee na, ki kpeln nimi aabimbin man, ki ki li ŋani ke naah nan ŋani njan pu na. Ni yaa kaa kpeln nimi aabimbin kan, m ga dan ni chee ki nan chuu nyan nimi aakaryaa ngbaan, le naan ki li ye maanib.