Ŋiyataŋak 5:12 - Uwumbɔr aagbaŋ

¹² le aa ga bui ke, “Ba ŋa m nan yii kaa bae? Ba ŋa maa nan cha ubaa sur mi?

Ŋiyataŋak 5:12 ပူးပေါင်းရင်းမြစ်များ

Mpiin 19:9

Le Sodom aajab ngbaan nan bui Lot ke, “Siir nima, uwɔwɔnja wee. Aa ye ŋma ki si tuk timi taah ga ŋa pu na. Siir nima, lik suuna, ni yaa kaa ye kina kan, taah ga ŋa si pu na ga jer bi yaan.” Bijab ngbaan nan tur Lot, ke bi foor u jaaleŋ chee, aan ki gbaa wii jaaleŋ ki koo bicham ngbaan chee.

2 Bibɔrb Aabɔr 25:16

Le Amasia kpaan baa u ke, “Bayoonn aan ti di si ŋa ubɔr aasusur? Ŋmin aamɔb, naa ye kina kan, m ga cha bi ku si.” Le ubɔnabr ngbaan bui ke, “Dandana ma kan, m bee ke Uwumbɔr le siin ke saamɔfal junn, saah yii u ki tun pu na mɔmɔk pu,” le ki nin ŋmin.

2 Bibɔrb Aabɔr 36:16

Tɔ, binib ngbaan nan ŋani Uwumbɔr aatuun ngbaan mbɔnyun, kaa gar waamɔboln, ki laa waabɔnabr ngbaan, ki ti saa n‑yoonn mu Uwumbɔr aaŋuul fii waanib pu ki ti nyaŋ, aan baa ki ŋmaa kan ŋŋmarm na.

Ilahn 50:17

Ni yii, ke m taa mɔk nimi buyoonn ni yenn na; ni yii maamɔbon.

Ilahn 73:22

m nan jɔr ke kiwakork na la; maa nan kee bee saabimbin.

Ŋiyataŋak 1:22

“Bijɔrb, ni ban ni yunn kijɔrk ni kinye? Ni ban ke ni laa nlan ki ti saa bayoonn? Ni ga sil bae mbaem aa?

Ŋiyataŋak 1:25

Ni yii maasurm, kaa gee ke m mɔk nimi mbamɔn.

Ŋiyataŋak 1:7

Waahr aan aa nin kan nlan na, see aa kpa kipak ni ijawaan ki tii Uwumbɔr. Bijɔrb ma aa ban nlan, ki yii ke baan bae mu.

Ŋiyataŋak 10:17

Binib bi ŋun tii nsurm na kpa limɔfal, le binib bi kaa kii ke unii sur bi na bi tibɔbir ni.

Ŋiyataŋak 12:1

Unii umɔk ban nlan na ban ke u yaa tun taani kan, bi tuk u la. Ni ye kijɔrk le ke aa yii nsurm buyoonn aa tun taani na.

Ŋiyataŋak 13:18

Unii u kaa gee ke u bae na ga li ye ugiin ni unimɔɔnii la. Unii umɔk gaal nsurm na kani kipak la.

Ŋiyataŋak 15:5

Ni ye kijɔrk le ke aa yii aate aah mɔk si pu na; ni ŋan ke aa gaa waasurm.

Ŋiyataŋak 5:11

Aa ga li dɔ saakun aawandookaan pu ki du, ki donn kpakl kpakl,

Ŋiyataŋak 6:23

Baamɔkm ye nwiin mu moor lak lak na la, baasurm ga ŋmaa mɔk si saah ga li bi pu na.

Ŋiyataŋak 8:36

Unii umɔk aa ban kan mi na tii ubaa titotonn la; unii umɔk kaa gee mi na gee nkun la.”

Jeremia 44:4

Le m joo maatutum bi ye bibɔnabr na tuni ni chee, le bi nan bui nimi ke ni taa ŋani tiwan ni sukr ponn ni na maah kaa gee ni na.