Ŋiyataŋak 4:23 - Uwumbɔr aagbaŋ

²³ Li nyi saah dak pu na; saabimbin naahn saalandak la.

Ŋiyataŋak 4:23 ပူးပေါင်းရင်းမြစ်များ

2 Bibɔrb 10:31

Tɔ, Jehu aa nan di usui mɔmɔk kii Israel yaab Aadindaan Uwumbɔr aakaal; u nan labr dii Jeroboam u nan di Israel yaab koon titunwanbir ni na aasan la.

Ŋiyataŋak 11:16

Upii u aabimbin ŋan na kpa kipak binib chee, le binib bi aabimbin pɔɔ na kan liwankpal.

Ŋiyataŋak 13:3

Chuu aabaa saamɔliin chee ki li kpa limɔfal. Unii u len tibɔr yɔl yɔl na junni waamɔfal la.

Ŋiyataŋak 16:17

Binib bi aabimbin ŋan na chuun isan i kaa kpa titunwanbir na pu la; kina pu na, li nyi saah chuun nin chee na, nibaakan, ni ga ŋmaa gaa saamɔfal lii.

Ŋiyataŋak 22:5

Aa yaa gee saamɔfal kan, taa koo gaawɔb tiib bi chur bibiindam isan ni na ni.

Ŋiyataŋak 23:19

Maabo, li pel, ki li kpa nlan ki li lik saabimbin.

Ŋiyataŋak 28:26

Aa yaa dii aabaa aalandak baanja kan, ni ye kijɔrk la. Li dii bilandam aasurm ki ŋmar.

Ŋiyataŋak 3:21

Maabo, li joo nlan ni mbaem mbamɔm. Taa cha ni nya aa chee daalbaadaal.

Ŋiyataŋak 4:7

Nlan aakam le ye tiwankpaan ni aa ga ŋa na. Li ban nlan ki jer tiwan ni mɔmɔk aa neen na.

Ulandaan 5:13

Kiwanbiik sakpeŋ ki m kan dulnyaa wee ni na sɔ: binib bilni ŋimombil ki kii n‑yoonn mu bi ga nan ban ŋi na la,

Jeremia 17:9

Ŋma ga ŋmaa bee unibɔn aasui? Tiwan nibaa aa bi ki ŋmaa ŋmanni ke unibɔn aasui na; ubaa aan ŋmaa bee mu aah bii sakpen pu na.

Matiu 15:18

Tiwan ni nyan unii aamɔb ni na, ni nyan usui ni, ki ŋani u titunwanbirdaan la.

Matiu 15:19

Tiwan ni nyan binib aasui ni na le ye ilandak i kaa ŋan na, ni linikul, ni kidagook aatuln, ni kinaayuk, ni linyamɔngee, ni ŋisiibil.

Tibɔnyaan ti Mak ŋmee ti na 14:38

Ni li ka lik man, aan ki li mee Uwumbɔr, aan ki taa koo ntɔŋ ni. Nisui ban ni li lik, le tiwon aa pɔɔ.”

Tibɔnyaan ti Luk ŋmee ti na 6:45

Ilandak nyaan bi uninyaan aasui ni, le ki cha u len ni ŋan na. Ilandakbir bi mbiindaan aasui ni, le ki cha u len ni bir na. Ba pu? ilandak i gbii unii aasui ni na, ima le u ga len.”

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

Hiibru Yaab 12:15

Ni li nyi man, ubaa taa lann Uwumbɔr aanyoor. Ni li nyi man, ubaa taa cha usui li to, ki li muk nimi ki cha binib pam yenn.