Ŋiyataŋak 31:5 - Uwumbɔr aagbaŋ

⁵ Bi yaa nyu ndaan kan, bi suln ikaal la, le ki yii binib bi bi limukl ni na, kaa tii bi baabamɔn.

Ŋiyataŋak 31:5 ပူးပေါင်းရင်းမြစ်များ

1 Bibɔrb 20:12

Buyoonn Ben‑Hadad ni umaantɔtiib, bijojoob biken na, nan ka baakeken aaboo ni ki nyu ndaan na le ituun na nan di Ahab aagarm ngbaan tii bi. U nan bui waajab ke bi gor ki ti tak kitiŋ ngbaan, kina pu na, bi nan lul sil.

Nnyam 23:6

“Ugiin yaa kpa tibɔr, ni ban ni ji waabɔr kan, ni taa biin waabamɔn pu.

Ŋiyataŋak 17:15

Tiwan nilee nee mɔmɔk bir Uwumbɔr chee la: nima le ye ke aa bii unii u kaa kpa taani na, bee aa tii ubiindaan mbamɔn.

Ŋiyataŋak 18:5

Naa ŋan ke aa kpee unii u jin libɔkpol na pu, ki cha unii u aabɔr ŋan na lann waabamɔn.

Aisaya 5:22

Nimi aadoon le na, nimi bi ye ndaan aakpalba aajakaandam na. Ni chee ti ye ke bi di ndaan chee tɔb ponn ni na, nima chee le ni kaar.

Aisaya 5:23

Le buyoonn ni yaa kan igaŋgaŋlik na, ni di binib bi aabɔr aa ŋan na di lii, le kaa tii binib bi aabɔr ŋan na baabamɔn.

Liifai Yaab 10:9

“Aa ni aajapɔtiib yaa nyun ŋisubil aadaan, bee ndaan muken na kan, ni taa koo ni Maabool ponn ni; ni yaa ŋa kina kan, ni ga kpo. Aa ni saamaal li joo nkaal mue kina cha n‑yoonn mɔmɔk.

Habakuk 2:5

Mbamɔn, liwangol ŋmanni unii la, u kpa kigaak le kaa tee kpa lifuur ma. Waah kpa kikumɔŋ ke likaakul ki bi ke nkun na, waa babr tiwan nibaa, le ki nyaŋni ŋitimbol ki chur binib mɔmɔk tinaagbiir.

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.