20 U kpa bigiim ni bifalaadam chee tiŋann.
U tii binib bi kaa kpa na, ni usui mɔmɔk la, le waaŋann aa kpa ndoon; u ga li kpa mpɔɔn ni kipak.
Binib bi aatafal bi bigiim wɔb na, bima le kpa mpopiin; Uwumbɔr ga ter bi buyoonn bi bi tibɔr ni na.
Uwumbɔr ga li kii bi le ki bɔr baamɔfal mbamɔm. U ga cha bi li kpa mpopiin kitiŋ kee pu; waan cha baadim aapɔɔn pii bi.
M yin nimi, ki mee nimi ke ni dan m chee, le naa ŋun. Naa gar mi kpala.
Aa yaa tii ugiin ipiin kan, ni bi ke saah pinn tiwan tii Uwumbɔr le na, Uwumbɔr ga teen si tiwan ngbaan.
Li ye ubulchinn daan ki yakr saajikaar tii bigiim. Aa ga kan tinyoor ni pu.
U fik ubaa aakokonn le ki luu ubaa aawanpeenkaan.
Bigiim ga li bi ni chee n‑yoonn mɔmɔk. Naah ga li ban ni ter bi buyoonn na kan, ni ga ŋmaa ter bi. Mma aan li bi ni chee n‑yoonn mɔmɔk.
Israel yaab ma kan, Uwumbɔr len baabɔr ke, “Iwiin mɔmɔk m kai ŋŋaal ki yin binib bi yii mi kaa kii maamɔb na.”
ki yakr nimi aawan tii Uwumbɔr aanib bi lann ni na, ki chann bicham tichann.
Binaayukb taa ki su. Cha bi di biŋaal tun lituln li ŋan na linimaln, aan ki kan baah ban pu na, ki tii bigiim mu.
Mbamɔn, n‑yoonn mɔmɔk kan, nimi Israel yaab ngem ga li ye bigiim, kaan li kpa, le ki ga li ban nterm. Nima pu na, m ban ke ni li kpa tibulchinn ki ter bi.
Ni teer man aan ki li tun lituln li ŋan na, ki yakr naah kpa ni na tii tɔb man. Nima le ye kitork ki ga piir Uwumbɔr aasui mbamɔm na.
