Ŋiyataŋak 31:15 - Uwumbɔr aagbaŋ

¹⁵ U finn ngeen pu lichakpitaawoln le ki ŋa tijikaar siin waadichal ni aanib, le ki mɔk waanaagbiisapɔm baatun.

Ŋiyataŋak 31:15 ပူးပေါင်းရင်းမြစ်များ

2 Bibɔrb Aabɔr 36:15

Uma Uwumbɔr u ye biyaajatiib Aadindaan Uwumbɔr na nan beenin tun waabɔnabr ke bi nan sak waanib. U nan ŋani kina ke u cha bi ni Waadichal ŋmar la.

Ŋiyataŋak 20:13

Aa yaa joo saayoonn geeni kan, aa ga ŋa ugiin. Li tun, le aa ga kan ki ji.

Ŋiyataŋak 31:16

Uma le ban kitiŋ ki bi ga ko na, le ki di waamombil daa ki, ki bu tijikaar ki pu.

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Matiu 24:25

Li pel man, m puen tuk nimi la.

Tibɔnyaan ti Mak ŋmee ti na 1:35

Njan aakooja aah wii na, le Yesu fii ki nyan lipaal, ki buen nibaa chee, le ki ti bi nima ubaa ki mee Uwumbɔr.

Tibɔnyaan ti Luk ŋmee ti na 12:42

Le Tidindaan bui u, “Uyidaan ubaa yaa tii waatutunn ubaa tininkpir ke u li lik waachiln ni aanib ki tii bi tijikaar naah ŋeer buyoonn na kan, ututunn ngbaan ga ŋa kinye ki li kpa nlan, ki li tun waatuln mbamɔm?

Rom Yaab 12:11

Ni taa li san ligbanyakl man. Cha ninimbil li man Tidindaan aatuln pu,

Josua 3:1

Naah woln kichakpiik ni na, Josua ni Israel aanib ngbaan mɔmɔk nan fii lichakpitaawoln, le ki nyan Sitim aatiŋ ni, ki buen Jɔɔdann Aamɔɔl chee. Bi nan bi nima chee ki kii nwiin mu bi ga puur li na.