Ŋiyataŋak 30:4 - Uwumbɔr aagbaŋ

⁴ Ŋma kee bee paacham aalan mbamɔm? Ŋma kee chuu libuln ŋa uŋaal ni? Ŋma kee di nnyun poo likekeln ni? Ŋma kee siin kitiŋ aanaanmɔk? Aa yaa nyi kan, ŋma ye udaan, ŋma ye ujapɔɔn?

Ŋiyataŋak 30:4 ပူးပေါင်းရင်းမြစ်များ

Mpiin 32:29

Le Jakob bui ke, “Aa mu tuk mi saayimbil.” Le u nan baa u ke, “Ba ŋa aa ban ke aa bee maayimbil?” Le u ŋa tinyoor ŋa Jakob pu.

Job Aagbaŋ 11:7

Aa ga ŋmaa mɔk Uwumbɔr aapɔɔnsakpiin aanaanmɔk aa?

Job Aagbaŋ 11:8

Kitaapaak aa ye Uwumbɔr aanaanmɔk, le ki daa aa chee pam. Uwumbɔr nyi bitekpiib do, le aa ma aa nyi nima.

Job Aagbaŋ 26:8

Uwumbɔr le cha nnyun gbiini ntaalangbam, ki cha mu aanyunyuun aa ŋmaa puu mu.

Ilahn 135:7

U cha kitaabuŋ nyani kitiŋ aanaanmɔk; ki tii kitaabuŋ mmii mu moor lak lak na, uma le ki cha libuln nyan ni waah siini waawan nin chee na.

Ilahn 2:7

Ubɔr ngbaan len ke, “M ga moon Uwumbɔr aah len pu na. U bui mi ke, ‘Sin le ye maabo, din wee le m ma si.

Ilahn 22:27

Ŋitimbol mɔmɔk ga teer Uwumbɔr bɔr. Bi ga nya ni dulnyaa aapepel mɔmɔk ni, ki dan u chee; Ŋinibol mɔmɔk ga doon u.

Ilahn 24:2

U maa kitiŋ na nnyun mu nyoo ki bi kitiŋ aataab pu na la, le ki ŋa kaadinyikl nnyusakpem aataab.

Ilahn 68:18

U joo binaagbiib pam ki chaa paacham; u gaal ipiin binib bi yii waamɔb na chee. Tidindaan Uwumbɔr le ga li bi nima.

Nnyam 15:10

Uwumbɔr, aa nan fuur lii Ijipt yaab pu nfum mbaa le bi muin ke tikur na, ki bee nnyusakpem ni.

Nnyam 6:3

Min Uwumbɔr Mpɔɔnsakpiindaan nan dan Abraham, ni Aisak, ni Jakob chee, le maa nan cha bi bee maayimbil li ye M‑ye‑na.

Aisaya 45:18

Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Aisaya 53:8

Bi nan chuu u ki jin u tibɔr, ki di u buen bi ti ku u, le unii ubaa aan ŋmaa len uyaabitiib pu. Timi aanib aatunwanbir pu le bi nan ku u.

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 23:6

U yaa nan ŋa ubɔr kan, Juda aanib ga kan lifuur, le Israel aanib kan nsuudoon. Bi ga li yin u ke ‘Uwumbɔr u gaal timi lir na’ la.”

Matiu 11:27

“Tɔ, Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn, see Nte Uwumbɔr. Ubaa mu aa nyi Nte Uwumbɔr, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.

Tibɔnyaan ti Luk ŋmee ti na 10:22

“Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn aah ye udaan u na, see Nte Uwumbɔr. Ubaa mu aa nyi Nte Uwumbɔr aah ye udaan u na, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.”

Jɔnn 3:13

Ubaa aa kee buen paacham see min Unibɔn Aabo u [bi paacham ki] nyan ni paacham na.

Rom Yaab 10:6

Timi bi gaa Yesu ki kii na, Uwumbɔr len ke timi aabɔr ŋan. Nima pu le ti len ke, “Taa baa aabaa aasui ni ke, ‘Ŋma ga buen paacham u ti li joo ni Kristo?’

Ikaal 28:58

“Ni yaa kaa joo mmɔkm mumɔk bi waagbaŋ ni na mbamɔm, ki yaa kaa pak Nidindaan Uwumbɔr aayimbil li kpa kipak ni ijawaan na kan,

Ikaal 30:12

Yaa bi kitaapaak, aan ni ga baa ke, ‘Ŋma ga buen ki ti sunn ni i tii ni timi, aan ti ga ŋun i ki kii yaah mɔk pu na?’

Tibɔkpiirkaan 19:12

Unimbil wɔb wiin ke mmiigaal na. Ubɔr aayikpupur ti wiir na bi uyil pu. Waayimbil ŋmee u pu. Ubaa aa nyi liyimbil ngbaan see uma baanja.

Bibɔjirb 13:18

Ntuun ngbaan nan baa ke, “Ba ŋa ni ban ni bee maayimbil? Li ye lijinjiir aayimbil la.”