Ŋiyataŋak 30:12 - Uwumbɔr aagbaŋ

¹² Binib bibaa bi, ki dak ke baabimbin ŋan la, le ki tee kpa tijɔŋ sakpen.

Ŋiyataŋak 30:12 ပူးပေါင်းရင်းမြစ်များ

Job Aagbaŋ 33:9

“Maabɔr aa bii; maa tun taani ubaa. Maabɔr ŋan, le maa kpa titunwanbir.

Ilahn 36:2

U dak ke waah nyuun sakpen pu na, Uwumbɔr aan ŋmaa kan waatunwanbir ki bui ke taa ŋan.

Ilahn 51:2

Finn nyan maabɔbir mɔmɔk ki cha m nyan maatunwanbir ni chain.

Ilahn 51:7

Nyan mi maatunwanbir ni, aan m nya chain; finn mi, aan m piir chain ke tikokonn na.

Ŋiyataŋak 16:2

Unibɔn ma dak ke waabimbin mɔmɔk ŋan la, Uwumbɔr baanja mu le nyi unibɔn aabimbin aah bi pu na.

Ŋiyataŋak 21:2

Teer ke Uwumbɔr lik ki nyi saabimbin mɔmɔk, kina pu na, taa dak ke saah ŋani tiwan nimɔk na ŋan la.

Aisaya 1:16

Kpeln nimi aabimbin man. Di cha man nimi aatunwanbir ti m kan ni ŋani ti na. Mbamɔn, di cha man,

Aisaya 65:5

le ki bui ke, ‘Taa mar ti chee; ti bi chain jer si, aa kpa tijɔŋ, taa meeh timi.’ Le m bui ke, ‘Min ni binib ngbaan aaboln aan kpaan, m gee liŋuul li bi ke mmii mu kaan junn na le bi pu.’

Jeremia 2:35

ni bui ke, ‘Taa tun taani ubaa. Mbamɔn, Uwumbɔr aaŋuul aan ki fii ti pu.’ Le min Uwumbɔr ga daa nitafal, naah bui ke naa tun taani ubaa pu na.

Jeremia 4:14

Jerusalem aanib, finn nyan tibir ti bi nisui ni na, aan ki ŋmar. Ni ga li dak tilandakwanbir ki ti saa bayoonn?

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Hosea 12:9

Le min Nidindaan Uwumbɔr, u nyan ni nimi Ijipt aatiŋ ni na, ga ki cha ni ki gir li koo igban aaboo ni, ke naah nan koo pu buyoonn m dan ni chee nteersakpiin ni na.

Sekaria 13:1

Uwumbɔr Mpɔɔnsakpiindaan bui ke, “N‑yoonn ngbaan kan, m ga piir uyayak aanyunbun ki di finn nyan titunwanbir ni ŋiwaa aajɔŋ ti bi David aayaabitiib ni Jerusalem aanib pu na.

Tibɔnyaan ti Luk ŋmee ti na 16:15

Le u bui bi, “Nimi le ban ke binib li dak ke ni ye bininyaam. Uwumbɔr le nyi nisui ni aah bi pu na. Binib aah nyuŋni tiwan ni na ye fam le Uwumbɔr chee.

Tibɔnyaan ti Luk ŋmee ti na 18:11

Farisii aanii na nan sil ubaa ki mee Uwumbɔr ki bui ke, ‘Uwumbɔr, m doon si ke maa bi ke binib mɔmɔk aah bi pu na. Maa kpa iniman, kaa tun lituln li kaa ŋan na, kaa gɔr kidagook, kaa bi ke ulampoogaar umina aah bi pu na.

1 Korenti 6:11

Ni ponn ni bibaa nan bi kina la; le Uwumbɔr finn nipobil, ki ŋa nimi binib bi bi chain na, ki len ke nimi aabɔr ŋan, Tidindaan Yesu Kristo aayimbil pu, ni timi Aawumbɔr Aafuur Nyaan pu.

2 Timoti 3:5

Bi ga li ŋmanni ke bi dii Uwumbɔr aasan, ki ga lann Uwumbɔr aapɔɔn. Aa taa dii binib ngbaan.

Taitus 3:5

ki gaa timi lii. Naa ye timi aatunyaan pu le u gaa timi lii, waanimbaasaln pu le u gaa timi lii. Le Waafuur Nyaan gir ma timi, ki tii timi limɔfapɔln, ki finn tipobil ni.

Bibɔjirb 17:13

Maika nan bui ke, “Tɔ, maah kan Liifai aanii aan u ŋa maatotoor na, m bee ke Uwumbɔr ga cha maatuln mɔmɔk toor.”

Bibɔjirb 17:5

Maika ngbaan nan gur kpa kiwaadiik la. U nan ŋa ŋiwaa ŋibaa, ni utotoor aabɔkugeŋ le ki di ujapɔɔn ubaa ŋa waatotoor.