Ŋiyataŋak 30:10 - Uwumbɔr aagbaŋ

¹⁰ Taa bii unaagbiija udindaan chee. Unaagbiija ngbaan ga nan puun lii aa pu, le aa ji falaa ti pu.

Ŋiyataŋak 30:10 ပူးပေါင်းရင်းမြစ်များ

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

Ŋiyataŋak 11:26

Binib puuni lir unii u joo njikaabim siini ke mu moo ŋa kidaak na pu, le ki pak unii u nyan waajikaabim siin kinyaŋ ni ke binib daa na.

Ŋiyataŋak 28:27

Aa yaa tii bigiim kan, saan lann nibaa. Aa yaa kan bigiim ki ŋum aanimbil kan, binib pam le ga puun lii aa pu.

Ulandaan 7:21

Taa cha aatafal li bi binib aabɔlen mɔmɔk ni, naa ye kina kan, aa ga nan ŋun saatutunn aah seei si pu na.

Daniel 6:13

Le bi bui ubɔr ke, “Unaagbiija Daniel, u nyan ni Juda aatiŋ ni na aa pak mpɔɔndaan, kaa dii saah siin nkaal mu na. U mee Uwumbɔr nfum mutaa nwiin mubaa n‑yoonn mɔmɔk la.”

Daniel 6:24

Le ubɔr bui ke bi chur binib bi mɔmɔk nan galn Daniel na, ki nan di bi mɔmɔk, ni bipuutiib, ni baabim mee ŋa mbuu ngbaan ni. Waahr aan bi ti lir mbuu ngbaan aataab na, ichinn ngbaan nan bib chur bi ki nyii kool baakpab.

Rom Yaab 14:4

Aa ye ŋma ki galn uken aatutunn? U yaa sil kan, u sil ki tii uma ubaa Aadindaan la. U yaa ti ki lir kan, u lir ki tii uma ubaa Aadindaan la. Ni ye mbamɔn, u ga sil; ba pu? Uwumbɔr ga ŋmaa cha u sil.

Ikaal 15:9

Ni taa yii ki bui ke libiln li ni ga di cha pinn bipɔndam na peen a, naan ki tii u nibaa. Ni taa cha tilandakbir kina aaboln koo nisui ni. Ni yaa yii ke naan tii udaan kan, u ga wii ki yin Uwumbɔr naah ŋa u tiwan ni na pu, le Uwumbɔr ga chuu si taani.

Ikaal 23:15

“Unaagbiija yaa san udindaan chee, ki dan nimi aatiŋ ni, ki nan ban nkiirm kan, ni taa jenn giin u udindaan do.

1 Samuel 24:9

ki bui u ke, “Ba ŋa aa ŋun binib bi tuk si ke m ban si ke m ku si na aabɔr?

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.

1 Samuel 30:15

David nan ki baa u ke, “Aa ga mɔk mi baah bi nin chee na aa?” Le u kii ke, “Aa yaa puu Uwumbɔr aayimbil pu ke saan ku mi, kaan di mi tii maaninkpel kan, m ga mɔk si bi chee,”