Ŋiyataŋak 3:6 - Uwumbɔr aagbaŋ

⁶ Teer Uwumbɔr bɔr, saatuln mɔmɔk ni, le u ga mɔk si nsanyaan.

Ŋiyataŋak 3:6 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

Esra 7:27

Le Esra bui ke, “Pak Uwumbɔr, u ye tiyaajatiib Aadindaan na man. U cha ubɔrkpaan kpa mpopiin ke u nyuŋ uma Uwumbɔr Aadichal li bi Jerusalem ni na kina.

Nehemia 1:11

Li pel maameel, ni saanaagbiib bimɔk ban ke bi nyuŋ si na mu aameen. Tii mi maah ban pu na din wee ki cha ubɔrkpaan ngbaan san mi kinimbaak.” N‑yoonn ngbaan, min le nan ye ubɔrkpaan ngbaan aadaan aaninkpel.

Nehemia 2:4

Le ubɔrkpaan ngbaan ki baa mi ke, “Ni ye ba le aa ban?” Le m mee Uwumbɔr u bi Paacham na,

Nehemia 7:5

Uwumbɔr nan cha m ŋa nlandak ke m kuun binib ngbaan, ni baayidam, ni baaninkpiib ki bee baamaal aah ye pu na. M nan kan binib bi nan puen nyan tinaagbiir ni ki kun ni na aayimbil aagbaŋ. Maah nan kan pu na sɔ:

Ilahn 32:8

Uwumbɔr bui ke, “M ga mɔk si nsan mu aa ga dii na; m ga mɔk si le ki lik si.

Ŋiyataŋak 11:5

Ibamɔn le tii uninyaan lifuur, le mbiindaan ma ga joo ni ubaa aalirm.

Ŋiyataŋak 16:3

Di saalandak mɔmɔk ŋa Uwumbɔr aaŋaal ni, le ki kan tinyoor saalandak ngbaan ni.

Ŋiyataŋak 16:9

Unibɔn ga ŋmaa ŋa waalandak usui ni, Uwumbɔr mu le ga tee mɔk u waah ga ŋa pu na.

Ŋiyataŋak 23:17

Taa li dak ke aa ba li yeh kinimbɔŋdaan aawan. Cha Uwumbɔr aapakm li ye saalandak.

Aisaya 26:7

Uwumbɔr, saa cha bininyaam aasan ponn ni kpa tibɔbir; baah chuun isan i pu na aa kpa ŋibugen.

Aisaya 30:21

Ni yaa yenn nsan ki fenn buen ŋŋangii wɔb, bee ŋŋangan wɔb kan, ni ga ŋun waaneel nipuwɔb len ke, “Nsan le na. Dii mu man.”

Aisaya 45:13

Min mbaa le pɔɔk ubɔrkpaan Sairus aataakpab ke u tun maatuln ki cha tiwan mɔmɔk sil chob. M ga naar isan imɔk u chuun i pu aan i gɔr na. U ga gir maa maatiŋ Jerusalem, ki gaa maanib lii. Ubaa aa tii u ipiin ke u di tun lituln limina.” Uwumbɔr Mpɔɔnsakpiindaan le len kina.

Aisaya 48:17

Nimi Israel yaab Aawumbɔr u bi chain na, Uwumbɔr u gaal nimi lir na bui ke; “Min le ye Nidindaan Uwumbɔr u ban ke u mɔk nimi mbimbinyaan, ki mɔk nimi nsan mu pu ni ga dii na.

Jeremia 10:23

Uwumbɔr, m nyi ke unii ubaa aa ye ubaa aabimbin aaninkpel; ubaa aa kpa waamɔfal aapɔɔn;

Jeremia 42:3

Mee Tidindaan Uwumbɔr ke u mɔk timi nin chee ti ga buen na, ni tiwan ni ti ga ŋa na.”

Nkahm 9:20

N‑yoonn mubaa kan, ntaalangbam ngbaan aa nan yunni nibaa chee, kina pu na, bi mu aa nan kaa yunni; le Uwumbɔr yaa bui bi ke bi fii kan, see bi fii nima.

1 Korenti 10:31

Maah len pu na le ye ke ni yaa jin kan, jim ke ni nyuŋ Uwumbɔr; ni yaa nyun kan, nyum ke ni nyuŋ Uwumbɔr; ni yaa ŋani tiwan nimɔk na kan, ni li ŋani ke ni nyuŋ Uwumbɔr.

2 Korenti 8:16

Tɔ, m doon Uwumbɔr u cha Taitus ban u ter nimi na ke ti mu aah ban ti ter nimi pu na.

Filipi 4:6

Ni taa cha ilandak li muk nimi tiwan nibaa pu. Ni li mee Uwumbɔr tiwan mɔmɔk pu, ki gaŋni u, ki dooni u ki tuk u naah ban pu na mɔmɔk.

Kolosiya 3:17

Ni yaa len kan, ni len Tidindaan Yesu aayimbil pu; ni yaa tun lituln kan, ni li tun waayimbil pu, ki li ŋani tiwan mɔmɔk waayimbil pu, ki li dooni Tite Uwumbɔr u pu.

Kolosiya 3:23

Naah ŋani tiwan nimɔk na, ni cha nitafal li bi ni ni, ki tun lituln ke naah ba ga tun tii Tidindaan pu na, naa ye binib.

Jemisi 1:5

Ni ponn ni ubaa yaa lann nlan kan, cha u mee Uwumbɔr, le u ga tii u; ba pu? Uwumbɔr tii binib mɔmɔk sakpen, kaa jinni ubaa inimɔɔn.

1 Samuel 30:8

David nan baa Uwumbɔr ke, “M paan binib bi nan binn kitiŋ kee na pu uu? M ga chuu bi ii?” Uwumbɔr nan kii u ke, “Paan bi pu; aa ga chuu bi ki gaa baah chur bi na.”