Ŋiyataŋak 3:3 - Uwumbɔr aagbaŋ

³ Taa cha ngeehm ni gaakii ŋmar si. Di ni gbin aaneen ni, ki ŋmee ni paan aapobil pu.

Ŋiyataŋak 3:3 ပူးပေါင်းရင်းမြစ်များ

2 Samuel 15:20

Saa koo do ni yunn, kina pu na, naa ŋan ke aa li chuun dii timi ki yenni. Hali min mbaa aa nyi maah cha nin chee na. Di aanaabitiib gir, aan Uwumbɔr li kpa ni pu tiŋann mbamɔm.”

Ilahn 119:11

M joo saakaal nsui ni, ke m taa tun si titunwanbir.

Ilahn 25:10

U gee binib bi tii waah pu tipuur ti na naadii ki keei waamɔb na; u mɔk bi waasan, ki ŋani waah len pu na.

Ilahn 85:10

Ngeehm ni ibamɔn ga chuu tɔb; le mbimbinyaan ni nsuudoon ga bob tɔb.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 34:6

Uwumbɔr nan jer unimbiin ni le ki bui u ke, “Min, U‑ye‑na, min le ye Uwumbɔr u kpa linimbaasaln, kaa gee liŋuul yɔl yɔl na, ki gee binib mbamɔm, ki ŋani maah len pu na.

Ŋiyataŋak 1:9

Baamɔkm ga toor saabimbin, ke kiyikpupuk nyaan, ni nleenyaan aah ga kpee si kinyaan pu na.

Ŋiyataŋak 14:22

Aa yaa tun litunyaan kan, aa ga kan kipak ni lisil binib biken chee, le aa yaa tun titunwanbir kan, aa yenni la.

Ŋiyataŋak 16:6

Li dii mbamɔm ki li si chob aan Uwumbɔr di saatunwanbir cha pinn si. Kii tii Uwumbɔr ki taa kan tibɔbir tibaa.

Ŋiyataŋak 20:28

Ubɔr yaa joo ibamɔn, ni mbimbinyaan, ki ŋani binib mɔmɔk naah tok pu na kan, u ga yunn nnaan ni.

Ŋiyataŋak 6:21

Li joo baabɔr n‑yoonn mɔmɔk, ki di ti laŋ ŋa aapobil ni.

Ŋiyataŋak 7:3

Li joo maamɔkm n‑yoonn mɔmɔk; ŋmee mu paan aapobil pu.

Jeremia 17:1

Uwumbɔr len ke, “Juda aanib, m di tikur aagbaŋmeemoon le ŋmee nimi aatunwanbir, m di litakpanyaan le lol ti nisui ni, le ki kɔr ti nimi aatork aabimbin aamɔgben.

Hosea 4:1

Uwumbɔr nan kpa ngalm u galn binib bi koo kitiŋ kee pu na. Israel yaab, li pel man waah len pu na; “Mbimbin mu bi chob na, ni ngeehm, aa bi kitiŋ kee pu, le binib ngbaan aa nyi ke min le ye Uwumbɔr.

Malakai 2:6

Bi nan joo ibamɔn le mɔk maanib, kaa mɔk bi tiwan ni kaa ŋan na. Bi nan kpa lifuur, ki dii mi mbamɔm, le ki ter binib pam ke bi di cha titunwanbir aatuln.

Matiu 23:23

“Nimi Uwumbɔr aakaal aamɔmɔkb ni Farisii yaab, tibɔbir bi ni pu; ni yakr tikpifar nfum kipiik ki nyan nibaa na ki di tii Uwumbɔr, ki muk nibaa ke ni joo Uwumbɔr aakaal mumina, ki yii nkaal mu ye nkaalkpaan na. Ni yii, kaa ŋani ni ŋan na, kaa san binib kinimbaak, kaa dii Uwumbɔr mbamɔm. Ni ŋan ke ni li joo nkaal ngbaan, ki yakr nimi aawan mu ki di tii Uwumbɔr.

2 Korenti 3:3

Bi ga bee ke ni ye kigbaŋ ki nyan ni Kristo ni na, le u cha ti ŋmee ki. Taa nan di ngbaŋmeemoon le ŋmee ki. Uwumbɔr u ye limɔfadaan na Aafuur Nyaan le ŋmee ki. Ŋŋmeen ngbaan aa ŋmee ŋitakpal pu, ni ŋmee binib aasui ni la.

Efesusi 5:9

Binib bi bi nwiihn ni na, bi kpa mbimbinyaan, ki tun lituln li ŋan na mɔmɔk, ki dii Uwumbɔr aabɔr ti ye mbamɔn na la.

Ikaal 6:8

Ni di i gbin niŋaal pu, ki ŋmee i paan niyigbeer pu, aan ni li teer nimi.

Hiibru Yaab 10:16

ke Uwumbɔr len ke, “Maah ga puu tipuur ti tii bi n‑yoonn mu choo na le ye ke m ga di maakaal ŋa bisui ni, ki ŋmee mu baalandak ni,”