Ŋiyataŋak 29:4 - Uwumbɔr aagbaŋ

⁴ Ubɔrkpaan u aatafal bi ibamɔn ni na aatiŋ kpa mpɔɔn, le ubɔr u aatafal bi ŋimombil ni na aatiŋ ga kuln.

Ŋiyataŋak 29:4 ပူးပေါင်းရင်းမြစ်များ

2 Samuel 8:15

David nan joo Israel aanib mɔmɔk, le ki nan ŋani waanib mɔmɔk mbamɔm.

1 Bibɔrb 2:12

Solomonn le nan gaa ute David aanaan, le waanaan aapɔɔn nan nyal sil kib.

2 Bibɔrb Aabɔr 9:8

Li pak Aadindaan Uwumbɔr. U mɔk si waah gee si pu na le ki di si ŋa ubɔr, ke aa di waayimbil joo saanib. Waah gee waanib Israel yaab pu ki ban ke bi li bi n‑yoonn mɔmɔk na, le u di si ŋa baabɔr ke aa cha waakaal ni ibamɔn li bi.”

Job Aagbaŋ 11:6

U ba ga bui si ke nlan aabɔŋ aabɔŋ wiir pam; ke tiwan pam bi aan unibɔn aalan aan ŋmaa bee ni. Uwumbɔr aa daa aatafal ki ŋeer saah tun pu na.

Ilahn 89:14

Saanaan si mbimbinyaan ni ibamɔn pu la; saatuln mɔmɔk ni kan, saageehm ni saah bi chob pu na nyani mpaan pu la.

Ilahn 99:4

Ubɔrkpaan, aa gee ibamɔn aawan la; aa cha ibamɔn bi Israel aatiŋ pu; aa joo ni mbimbinyaan ni ibamɔn.

Ŋiyataŋak 14:34

Mbimbinyaan tii litimbol mpɔɔn ni kipak la; le titunwanbir ma ye litimbol mɔmɔk aanimɔɔn.

Ŋiyataŋak 16:10

Ubɔr aamɔbon nyan ni Uwumbɔr chee la, kina pu na, umɔb ni taa li kpa inyamɔn.

Ŋiyataŋak 16:12

Bibɔrb aa gee titunwanbir, ba pu? ibamɔn pu le nnaan mɔmɔk kpa mpɔɔn.

Ŋiyataŋak 20:8

Ubɔr ka libɔjil ni le ki yaa kan titunwanbir kan, u beer ti.

Ŋiyataŋak 29:14

Ubɔrkpaan u jaa bigiim pu ki joo baabamɔn tii bi na aanaan ga yunn pam.

Ŋiyataŋak 8:15

M ter bibɔrb le bi joo baanib, le ki ter biyidam le bi siini ikaal i ŋan na.

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Daniel 11:20

“Ubɔr uken ga paan ni u pu, uma le ga tun waaninkpel u di mpɔɔn muk binib ki gaa lampoo ke waanaan kan ŋimombil sakpen. Naan yunn le bi ga ku ubɔr ngbaan, le ubaa aan li nyi waakun bɔr; ni mu aan li ye butɔb ponn ni.”

Maika 7:3

Bi mɔmɔk ye binib bi nyi titunwanbir aatuln na la. Ŋitun aaninkpiib, ni bibɔlem ban igaŋgaŋlik la. Binib bi kpa mpɔɔn na len baah ban pu na la, le bi kpaani ki kpokl.

1 Samuel 13:13

Samuel nan gar u ke, “Kijɔrk aatuln le aa tun na. Saa dii nkaal mu Aadindaan Uwumbɔr tii si na. Aa yaa ba dii mu kan, u ba ga cha sin ni aayaabitiib li joo Israel yaab ki ti saa n‑yoonn mu kaa kpa ndoon na.