Ŋiyataŋak 29:2 - Uwumbɔr aagbaŋ

² Mɔk mi unibamɔnn u bi mpɔɔn ni na, aan m mɔk si ke waanib kpa mpopiin. Mɔk mi ubiindaan u bi mpɔɔn ni na, aan m mɔk si ke waanib kpa mpombiin la.

Ŋiyataŋak 29:2 ပူးပေါင်းရင်းမြစ်များ

Esta 3:15

Ubɔr nan cha bi moon tibɔr ngbaan litiyil Susa ni, le bitaasam mu di ti buen ŋipepel mɔmɔk ni. Le ubɔr ni Hamann nan kal ki nyu ndaan, le litiyil Susa ma ponn ni nan ŋa yɔl yɔl.

Esta 8:15

Tɔ, Modekai nan nyan libɔrchiln ngbaan ni, ki pee ŋibɔrbɔkul ŋi ŋmal nsiin ni mpem na, ni ŋikekenyaan ŋiken, ki chik salmaa aabɔryikpupuk ki ŋan sakpen na. Le Susa aatiŋ ni aasan mɔmɔk ni, binib faa mpopiin aafuuk;

Job Aagbaŋ 34:30

Ŋitimbol aan ki ŋmaa ŋa nibaa aan bibiindam bi kaa nyi Uwumbɔr na taa joo bi.

Ŋiyataŋak 11:10

Binib bi aabimbin ŋan na yaa kan nkam kan, kitiŋ ponn ni kpa mpopiin la, le bibiindam yaa kpo kan, mpopiin aafuuk fiir mpɔɔn pu.

Ŋiyataŋak 28:12

Uninyaan yaa bi mpɔɔn ni kan, unibɔn mɔmɔk mɔɔni la, le bibiindam yaa bi mpɔɔn ni kan, unibɔn mɔk bɔrni ubaa la.

Ŋiyataŋak 28:15

Ubiindaan yaa bi mpɔɔn ni kan, bigiim aa kani nterm u chee, u bir le ke uchinn na, bee unaamuun na.

Ŋiyataŋak 28:28

Bibiindam yaa bi mpɔɔn ni kan, binib bɔrni la. Le bi yaa nyan mpɔɔn ni kan, mbamɔndam le ga koo mpɔɔn ni.

Ulandaan 10:5

Ŋibamɔn gangal i m kan binib bi joo ntim chee na sɔ:

Ulandaan 10:6

bi joo mpɔɔn aasisii tii bijɔrb, le ki suln biwankpadam bɔr.

Ulandaan 4:1

Le m ki fenn lik beebee aatuln li tun dulnyaa wee ni na. Baah muk binib bi na nan wii la, le ubaa aa ter bi. Binib bi muk bi na nan kpa mpɔɔn la, le ubaa aa nan ter bi.

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Matiu 2:3

Ubɔr Herod, ni Jerusalem aatiŋ aanib mɔmɔk aah ŋun tibɔr ngbaan na, le ti muk bi.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”