Ŋiyataŋak 29:18 - Uwumbɔr aagbaŋ

¹⁸ Litimbol li kaa kpa Uwumbɔr aasurm na aa bi mbamɔm. Unii u joo Uwumbɔr aakaal na le kpa mpopiin.

Ŋiyataŋak 29:18 ပူးပေါင်းရင်းမြစ်များ

2 Bibɔrb Aabɔr 28:19

Ubɔr Ahas aah kaa nan tii waanib baabamɔn ki bii Uwumbɔr aakaal na, le Uwumbɔr cha tibɔr dan nan lir waatiŋ Juda pu.

Ilahn 106:3

Binib bi keei waamɔb ki ŋani ni ŋan na n‑yoonn mɔmɔk na kpa mpopiin la.

Ilahn 119:1

Binib bi aabimbin ŋan aan bi dii Uwumbɔr aakaal na kpa mpopiin.

Ilahn 119:2

Binib bi joo waamɔboln ki kii tii u bisui mɔmɔk ni na kpa mpopiin,

Ilahn 19:11

Ŋi tii mi, saatutunn nlan; le aa pa mi maah kii tii ŋi pu na.

Ilahn 74:9

Timi aawan nimɔk ye kitork aawan na buen a; saabɔnabtiib aa ki gur, le ubaa aa nyi nimina aah ga yunn ki ti saa pu na.

Nnyam 32:25

Moses nan kan ke Aaronn le cha binib ngbaan gaa bibaa ki ŋa kijɔrk aatuln, baadim aanimbil ni.

Ŋiyataŋak 19:16

Li joo Uwumbɔr aakaal ki li kpa limɔfafɔfɔŋ; aatafal yaa kaa bi i ni kan, aa ga kpo.

Ŋiyataŋak 29:19

Saan ŋmaa di imɔliin baanja di sur ututunn. Nibaakan u ga bee yaatataa, ki mu aa ŋun tii si.

Ŋiyataŋak 8:32

Tɔ, maabim, li pel m chee man. Ŋa maah len pu na man, ki li kpa mpopiin.

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Matiu 9:36

Waah kan kinipaak ngbaan na, le u san bi kinimbaak sakpen; ba pu? bi naahn ipiih i yɔl ki dɔ kitiŋ, kaa kpa upihkpaal na la.

Tibɔnyaan ti Luk ŋmee ti na 11:28

Le Yesu bui ke, “Binib bi ŋun Uwumbɔr aabɔr ki kii ti na, Uwumbɔr aanyoor bi bima le pu.”

Jɔnn 13:17

Ni yaa bee maah len pu na aatataa, ki yaa ŋani kina kan, ni ga li kpa mpopiin.

Jemisi 1:25

Tɔ, unii yaa dakl lik nkaal mu ye mbamɔm ki gaal timi lir na, ki yaa beenin dii mu, ki yaa kaa ye unii u pel ki sulni na kan, ki ye unii u ŋani mu aah len pu na kan, Uwumbɔr ga ŋa tinyoor ŋa udaan ngbaan aatuln pu.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.

1 Samuel 3:1

N‑yoonn ngbaan na, buyoonn unachipɔnbo Samuel nan bi tun Uwumbɔr aatuln Eli chee na, Uwumbɔr aa nan ki joo waabɔr naŋni binib sakpen, kaa ki joo ubaa mɔk binib yɔl yɔl.