Ŋiyataŋak 29:1 - Uwumbɔr aagbaŋ

¹ Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Ŋiyataŋak 29:1 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

1 Bibɔrb 18:18

Le Elaija gar u ke, “Maa ye ubɔbann ubaa. Sin ni aate le ye bibɔbam. Aa yii Uwumbɔr aamɔb, le ki dooni liwaal Baal.

1 Bibɔrb 20:42

Le ubɔnabr ngbaan nin bui ubɔr ngbaan ke, “Uwumbɔr aamɔboln sɔ: ‘Saah cha uja u m bui si ke aa ku u na san ŋmar na, aa ga lann aabaa aamɔfal, le saatɔb aajab ga kuln, baah cha baadim san ŋmar pu na pu.’”

1 Bibɔrb 22:28

Le Mikaya teen ke, “Aa yaa gir ni ni laafee kan, kina kan, Uwumbɔr le aa len m chee tibɔr ke m di nabr si,” le ki ki len ke, “Ni mɔmɔk pel maah len pu na man.”

2 Bibɔrb Aabɔr 25:16

Le Amasia kpaan baa u ke, “Bayoonn aan ti di si ŋa ubɔr aasusur? Ŋmin aamɔb, naa ye kina kan, m ga cha bi ku si.” Le ubɔnabr ngbaan bui ke, “Dandana ma kan, m bee ke Uwumbɔr le siin ke saamɔfal junn, saah yii u ki tun pu na mɔmɔk pu,” le ki nin ŋmin.

2 Bibɔrb Aabɔr 33:10

Uwumbɔr nan sak Manase ni waanib, tɔ, bi nan yii, kaa ŋun.

2 Bibɔrb Aabɔr 36:13

Sedekia nan nyan Ubɔr Nebukadnesar, u nan cha u puu Uwumbɔr aayimbil pu ke u ga li si uchaŋ ni mbamɔm na aapuwɔb. U nan kpa tafalaaŋun, le ki yii, kaa kpeln waabimbin ki fenn dan Israel yaab Aadindaan Uwumbɔr chee.

Nehemia 9:29

Aa nan sur bi ke bi kii saah mɔk bi pu na, le bi di kigaak ŋmeen ki yii saakaal; le unii aah ga ŋa pu ki li kpa limɔfal na, le ye ke u li joo saakaal ngbaan. Bi nan di n‑yipɔɔn ki yaar biyil gar gar, ki yii kaa kii saamɔb.

Job Aagbaŋ 9:4

Uwumbɔr aalan ni waapɔɔn nyaŋ a, unii ubaa aa bi ki ga ŋman u.

Nnyam 9:7

Le ubɔr baa tiwan ni ŋa na, le bi tuk u ke Israel yaab aawakork kibaa aa kpo. Tɔ, u nan pɔɔk usui, le kaa kii ke binib ngbaan nya buen.

Ŋiyataŋak 28:14

Aa yaa ban mpopiin kan, kii tii Uwumbɔr n‑yoonn mɔmɔk. Aa yaa kpa tafalaaŋun kan, saamɔfal ga junn.

Ŋiyataŋak 28:18

Li bi mbamɔm ki ŋmar. Aa yaa ye beebeedaan kan, aa ga lir mala la.

Ŋiyataŋak 28:28

Bibiindam yaa bi mpɔɔn ni kan, binib bɔrni la. Le bi yaa nyan mpɔɔn ni kan, mbamɔndam le ga koo mpɔɔn ni.

Ŋiyataŋak 6:15

Nimina pu na, tibɔbir yaa ga pii bi kan, baan li nyi ti pu, le bi ga kan iween i ga ku bi na.

Aisaya 28:22

Taa laa man nsurm mu m joo tii nimi na. Ni yaa laa kan, naah ga ŋa pu aan ki ŋmar na ga moo pɔɔk. Uwumbɔr Mpɔɔnsakpiindaan tuk mi ke u ga kuln litingbaln ngbaan mɔmɔk.

Aisaya 48:4

M nan nyi ke nitafal ga li pɔɔ ke kikurk na, kaan li kool ke tikumann aakur na.

Jeremia 14:19

Uwumbɔr, aa yii Juda aanib kookoo la aa? Aa nan Sionn aatiŋ aanib la aa? Ba ŋa aa tii timi titotonn ti kaan sɔŋ na? Ti nan lik ban nsuudoon, le kinyaan kibaa aa choo; ti nan ka ban laafee, le tibɔbir tee dan.

Jeremia 17:23

Biyaajatiib aa nan ŋun tii mi, kaa pel kpala. Bi nan labr ye tafalaaŋundam, kaa kii maamɔb, ki mu aa bae m chee mbaem.

Jeremia 36:31

M ga daa aatafal, ki daa aayaabitiib, ni saaninkpiib aatafal titunwanbir ti ni mɔmɔk tun na pu. Aa ni Jerusalem ni Juda aanib yii kaa pel maah sak nimi pu na, kina pu le m ga cha ni kan tibɔbir ti m puu ke ni ga kan ti na.”

Habakuk 2:7

Libuul ngbaan ni le binib bi ye saapɔndam na ga fii sil. Bi ga finn ngeen pu, le ki cha ijawaan chuu si, le sin aabaa ga kpaln baapɔndaan.

Jɔnn 13:18

“Maa len ni mɔmɔk pu. M nyi maah nyan bi na aasui ni aah bi pu na, ki nyan nimi ke ni gbiin Uwumbɔr Aagbaŋ aah len pu na ke, ‘M ni unii u kpaan ni ji lisambil ni na, uma le fii sil m pu.’

Jɔnn 13:26

Le Yesu bui u, “M yaa war bisaa, ki di ŋa tikpin ni, ki di tii u na kan, uma le na.” Waah len kina na, le u war bisaa ki di ŋa tikpin ni, ki di tii Judas, u ye Simonn Iskariot aajapɔɔn na.

Lituln 1:18

U ŋa tiwan ni kaa ŋan na, le ki kan ŋimombil, ki daa bukpaab. Le u lir kitiŋ bukpaab ngbaan ponn ni, ki kpo. Upuul nan puu, le tineer mɔmɔk nyan.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.

1 Samuel 2:25

Unibɔn yaa tun uŋeen aatɔ taani kan, nibaakan Uwumbɔr ga san u kinimbaak, tɔ, ŋma ga ter unii u tun Uwumbɔr titunwanbir na?” Le baa pel bite aah len pu na, ba pu? Uwumbɔr nan siin ke u ku bi.

1 Samuel 2:34

Tiwan ni ga mɔk si ke maah len pu na ga gbiin na le ye ke aajapɔtiib bilee na, Hofni ni Fineas, ga kpaan kpo liwinbaal la.