Ŋiyataŋak 28:5 - Uwumbɔr aagbaŋ

⁵ Titunwanbirdam aa nyi ibamɔn, le binib bi dii Uwumbɔr na ma beer ibamɔn mbamɔm.

Ŋiyataŋak 28:5 ပူးပေါင်းရင်းမြစ်များ

Ilahn 119:100

Maah dii saakaal na, m kpa nlan sakpen ki jer bininkpiib.

Ilahn 119:98

Saakaal bi m chee n‑yoonn mɔmɔk la, ki cha m moo kani nlan jer maadim.

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Ilahn 92:6

Nimina le ye tiwan ni ujɔr aan ŋmaa bee na; ulatiir mu aan ŋmaa bee naatataa.

Ŋiyataŋak 15:24

Bilandam aasan cha paacham limɔfal chee la, naa ye nsan mu cha taab nkun ni na.

Ŋiyataŋak 2:9

Aa yaa ŋun tii mi kan, aa ga bee tiwan ni ye mbamɔn, ki tok, ki ŋan na. Aa ga bee saah ga tun pu na.

Ŋiyataŋak 24:7

Unii u kaa kpa nlan na aa beer nlan aabɔr aatataa. Bi yaa bi kpokl tibɔkpaan kan, u ka ŋmin la.

Aisaya 1:3

Inaa nyi u yeh i na, le ibon mu nyi nin chee idindaan di tijikaar di bil tii i na. Maanib Israel yaab ma chee kan, ni pɔɔ. Baa nyi nibaa.”

Aisaya 44:18

Kina aanib jɔr sakpen kaa ŋmaa beer baah bi ŋani tiwan ni na. Bi ŋumni binimbil, kaa ban ke baalandak ŋun mbamɔn.

Aisaya 6:9

Kina pu le u bui mi ke m li cha ki ti di tibɔr tee tuk binib ngbaan ke, “Ni po gee ni ŋa pu, ni ga pel ki pel, kaan bee Uwumbɔr aaliin aatataa. Ni ga lik ki lik, kaan li waa tiwan ni ŋani na.”

Jeremia 4:22

Uwumbɔr bui ke, “Maanib ye bijɔrb la, baa nyi mi. Bi naahn mbim mu kaa kpa nlan na la; baa kpa ntafaŋum. Bi nyi titunwanbir aatuln sakpen, le kaa tee nyi tiwan ni ŋan na aaŋam.”

Amos 3:10

Uwumbɔr le len ke, “Binib bimina di baah gaa tiwan ni mpɔɔn na le di gbiin baadichal sakpiin ngbaan ponn ni. Baa nyi baah ga ŋa pu ki ŋa tiwan ni ŋan na.

Jɔnn 7:17

Unii ubaa yaa ban ke u ŋa Uwumbɔr aageehn kan, u ga bee ke maah mɔk binib pu na, ni ye Uwumbɔr aamɔkm la, naa ye min mbaa aamɔkm.

Jemisi 1:5

Ni ponn ni ubaa yaa lann nlan kan, cha u mee Uwumbɔr, le u ga tii u; ba pu? Uwumbɔr tii binib mɔmɔk sakpen, kaa jinni ubaa inimɔɔn.

1 Jɔnn 2:20

Nimi kan, Yesu u ye chain na tii nimi Waafuur Nyaan. Waafuur Nyaan aah bi nisui ni na, nima le ni mɔmɔk nyi tibɔr ti ye mbamɔn na.

1 Jɔnn 2:27

Nimi le Yesu nan tii Waafuur Nyaan. Waafuur Nyaan ngbaan beenin bi ni ni. Nima pu na, naa ki ban ke unii ubaa mɔk nimi waabɔr. Waafuur Nyaan le mɔk nimi Uwumbɔr aabɔr mɔmɔk. Waafuur Nyaan aah mɔk nimi pu na, ni ye mbamɔn la, naa ye nnyamɔn. Nima pu na, kii man Waafuur Nyaan aah mɔk nimi pu na, ki li kpaan Yesu chee n‑yoonn mɔmɔk.