Ŋiyataŋak 28:20 - Uwumbɔr aagbaŋ

²⁰ Binibamɔm ga li kpa limɔfal li fɔk na, ni mpopiin la. Le aa yaa ban mala ke aa kan liwangol kan, Uwumbɔr ga daa aatafal.

Ŋiyataŋak 28:20 ပူးပေါင်းရင်းမြစ်များ

Nehemia 7:2

M nan ban bijab bilee le ki di siin ke bi li ye Jerusalem aayidam; bima le nan ye nna aabo Hanani, ni Hanania u ye bikikiib aaninkpel na. Hanania nan ye unii u aa ga ŋmaa mak u pu na la, ki ye unii u san Uwumbɔr naah ti sɔ na.

Ilahn 101:6

M ga kii tii binib bi kii tii Uwumbɔr na ki cha bi li koo maabɔrchiln ni. Binib bi kaa kpa taani na ga li kpa nsan ki tun maatuln.

Ŋiyataŋak 10:6

Uninyaan ga kan Uwumbɔr aanyoor. Ubiindaan aamɔmɔɔn le biini waabimbin mu kaa ŋan na pu.

Ŋiyataŋak 13:11

Aa yaa kan liwangol dafir kan, naan yunn le li nya aaŋaal ni. Aa yaa di kitotoŋ kan liwangol kan, aa moo kani la.

Ŋiyataŋak 17:5

Aa yaa laa bigiim kan, aa seei Uwumbɔr u naan bi na la. Aa yaa di aaŋeen aatɔ aafalaa ŋa saapopiin kan, Uwumbɔr ga daa aatafal.

Ŋiyataŋak 19:2

Nlan yaa kaa bi unimandaan chee kan, ni ye fam la; aa yaa ŋani tiwan kaa chur aabaa kan, ni joo si kooni tibɔr ni la.

Ŋiyataŋak 20:21

Liwangol li saa nyan kitotoŋ ki kan li na aan ŋa si tinyoor tibaa.

Ŋiyataŋak 20:6

Unii mɔmɔk len waah si chob ki ŋani tiwan mɔmɔk aah mɔk pu na la, tɔ, saan ŋmaa kan kina aanii.

Ŋiyataŋak 23:4

Li kpa nlan ki taa ku aabaa ke aa ŋa uwankpadaan.

Ŋiyataŋak 28:22

Bikumɔndam ban ke bi kan liwangol mala, kaa tee nyi buyoonn igiin ga fuu ni bi na.

Matiu 24:45

“Uyidaan ubaa yaa tii waatutunn ubaa tininkpir ke u li lik waachiln ni aanib ki tii bi tijikaar naah ŋeer buyoonn na kan, ututunn ngbaan ga ŋa kinye ki li kpa nlan, ki li tun waatuln mbamɔm?

Matiu 25:21

Le udindaan bui u, ‘Nfaan, aa ye ututunn la, ki tun lituln mbamɔm. Maah nan tii si tiwan ni siib na, aa joo ni mbamɔm. M ga ŋa si tiwan sakpenn aaninkpel. Ji maamɔɔn.’

Tibɔnyaan ti Luk ŋmee ti na 12:42

Le Tidindaan bui u, “Uyidaan ubaa yaa tii waatutunn ubaa tininkpir ke u li lik waachiln ni aanib ki tii bi tijikaar naah ŋeer buyoonn na kan, ututunn ngbaan ga ŋa kinye ki li kpa nlan, ki li tun waatuln mbamɔm?

Tibɔnyaan ti Luk ŋmee ti na 16:1

Tɔ, Yesu nan bui waadidiliib, “Uwankpadaan ubaa le nan bi ki kpa ututunn u lik waawan mɔmɔk na. Le bibaa dan nan bii u udindaan aanimbiin ni ke u joo waawan ji la.

Tibɔkpiirkaan 2:10

Ni ga ji falaa dandana wee; ni mu taa san ijawaan man. Kinimbɔŋ ga di ni ponn ni bibaa ŋa kiyondiik ni, aan ni kan ntɔŋ, le ni ga ji falaa iwiin kipiik. Ni li dii maasan mbamɔm ki nan saa nkundaal man. Le m ga nan tii nimi lipal li ye limɔfal li kaa kpa ndoon na.

Tibɔkpiirkaan 2:13

M nyi naah bi nin chee na, ke ni bi kitiŋ ki ye kinimbɔŋ aatiŋ na ponn ni la. Ni mu beenin si nchaŋ ni la, kaa yii mi. Buyoonn bi nan ku maaseeraadaan bamɔnn Antipas nikaasisik ni, kinimbɔŋ aah bi nin chee na, naa nan yii mi.

1 Samuel 22:14

Ahimelek nan kii u ke, “David le ye saatutunn u si aapuwɔb mbamɔm na. U ki ye aachool la, ki ye bijab bi kii si na aaninkpel la. Le unii mɔmɔk tii u kipak, saachiln ponn ni.