Ŋiyataŋak 28:19 - Uwumbɔr aagbaŋ

¹⁹ Ukpaal umɔk tun na kpa ki ji gur ni. Le binib bi ka fam, kaa tun nibaa na ga li ye bigiim n‑yoonn mɔmɔk.

Ŋiyataŋak 28:19 ပူးပေါင်းရင်းမြစ်များ

Ŋiyataŋak 12:11

Ukpaal u tun sakpen na kpa sakpen ke u ji, le ni ye kijɔrk ke aa li chuun tun ŋitun ŋi kaa kpa tinyoor tibaa na.

Ŋiyataŋak 13:20

Li dii bilandam aan ki kan nlan. Aa yaa jɔnn bigbaam kan, aa junn saamɔfal la.

Ŋiyataŋak 14:4

Inaa yaa kaa bi i dar saakuu kan, saapil ga li ye nkuun la, le i yaa bi kan, li ga li gbii njikaabim.

Ŋiyataŋak 20:13

Aa yaa joo saayoonn geeni kan, aa ga ŋa ugiin. Li tun, le aa ga kan ki ji.

Ŋiyataŋak 24:34

le buyoonn aa dɔ geen na, igiin ga dan nan bib chuu si ke unaayuk na.

Bibɔjirb 9:4

Bi nan nyan tikunabr aakur aamombil imonko itaa ni kipiik, Baal Berif aawaadiik ni tii u, le u di ŋimombil ngbaan ban maabitibaanidam bi kaa kpa lituln libaa na kpee ubaa pu.