Ŋiyataŋak 28:16 - Uwumbɔr aagbaŋ

¹⁶ Unii u bi mpɔɔn ni, kaa kpa nlan na ga li ye ubiindaan la. Le unii u kaa gee igaŋgaŋlik na ga yunn nnaan ni.

Ŋiyataŋak 28:16 ပူးပေါင်းရင်းမြစ်များ

1 Bibɔrb 12:10

Le bi gar u ke, “Saah ga bui bi pu na sɔ: ‘Maaŋanbiseeŋ filk jer nte aachaŋ.’

1 Bibɔrb 12:14

binachipɔm na aah nan sur u ke u len pu na. U nan len ke, “Nte nan di ŋitun ŋi nyuun na le tun nimi; le m ma ga moo tun nimi ŋi nyuun jer kina na. U nan joo ibanbaan le gbaa nimi; le m ma ga loe nimi ŋinaalab.”

Nehemia 5:15

Biyidam bi mɔmɔk nan kal aan m nan paan bi pu na, nan ye limukl le ki tii binib ngbaan, ki nan gaal tikur aamombil imonko ilee le nwiin mubaa, ke baajikaar ni ndaan le na. Hali baatutum mu nan muk binib ngbaan la. Le mma aa nan ŋani kina; ba pu? m san Uwumbɔr la.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Ŋiyataŋak 15:27

Ukumɔndaan ban tibɔr tii waadichal la, le unii u yii igaŋgaŋlik na kpa limɔfal.

Ulandaan 10:16

Kitiŋ ki aabɔr ye unachipɔɔn, aan kaasalolm mu ji njim ki ti woln kitaak na bi tibɔr ni la.

Ulandaan 4:1

Le m ki fenn lik beebee aatuln li tun dulnyaa wee ni na. Baah muk binib bi na nan wii la, le ubaa aa ter bi. Binib bi muk bi na nan kpa mpɔɔn la, le ubaa aa nan ter bi.

Aisaya 3:12

Mbim le joo maanib ki muk bi, baayidam ye bipiib la. Maanib, nimi aasalolm na joo nimi kooni timoor ni la, ki cha ni yenni.

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.