Ŋiyataŋak 28:15 - Uwumbɔr aagbaŋ

¹⁵ Ubiindaan yaa bi mpɔɔn ni kan, bigiim aa kani nterm u chee, u bir le ke uchinn na, bee unaamuun na.

Ŋiyataŋak 28:15 ပူးပေါင်းရင်းမြစ်များ

2 Bibɔrb 15:16

Menahem aah nan nyan Tirsa ki cha na, Tapua aatiŋ aanib aa nan tii u nsan ke u jer, kina pu na, u nan kuln ki ni kaanib, ni lipepel li mann goln ki na. U nan kpaan saa gbir bipiipudam mɔmɔk aapuu.

2 Bibɔrb 2:24

Elaisa nan fenn lik bi, le ki di Uwumbɔr aayimbil puun lii bi pu. Le tipeewanbir tibaa nyan ni kichook ni ki nan dar par par bi ponn ni mbijabim imonko ilee ni bilee.

2 Bibɔrb 21:16

Manase nan ku binib bi kaa tun taani ubaa na sakpen, le Jerusalem aatiŋ ponn ni nan ti gur ye nsin ŋmeen; u nan ŋa kina le ki di kpee waah nan di ŋiwaa mɔk Juda aanib ki cha bi tun Uwumbɔr titunwanbir pu na pu.

Nnyam 1:13

le bi nan moo ŋa bi falaa ki cha bi tun linaagbiituln. Bi nan cha bi maa tidir, ki ko baasar, kaa nan san bi kinimbaak.

Nnyam 1:22

Gbelngbeln na, ubɔr ngbaan nan siin nkaal ki bui waanib mɔmɔk ke bi di Hiibru yaab aabijabim bi bi laa ma bi na ki di mee lii Nail aamɔɔl ni, tɔ, bi taa ku mpiibim ma.

Ŋiyataŋak 17:12

Aa yaa to takɔ u binib ku waabim mɔmɔk na nsan ni kan, ni ŋan jer ke aa ti kan ujɔr aah bi tun waajɔrk aatuln pu na.

Ŋiyataŋak 19:12

Ubɔr aaŋuul naahn uchinn aah ŋuuni pu na la, le u yaa san si kinimbaak kan, ni naahn unaalantaal.

Ŋiyataŋak 20:2

Li san ubɔr u aaŋuul fii na ijawaan, ke saah ga li san uchinn u bi ŋuuni na ijawaan pu na; aa yaa fiin waaŋuul kan, aa pɔ tee ku aabaa.

Ŋiyataŋak 29:2

Mɔk mi unibamɔnn u bi mpɔɔn ni na, aan m mɔk si ke waanib kpa mpopiin. Mɔk mi ubiindaan u bi mpɔɔn ni na, aan m mɔk si ke waanib kpa mpombiin la.

Aisaya 14:5

Uwumbɔr kuln bitinjoob titunwanbirdam na aapɔɔn.

Aisaya 14:6

Bi nan joo liŋuul muk binib bi bi nan chur bi tinaagbiir na, ki ŋani bi falaa n‑yoonn mɔmɔk.

Hosea 13:8

M ga tak nimi ke kipeewanbiik ki aabim wɔŋ na, le ki daa par nimi. M ga di nimi ŋmɔ mala ke uchinn na libuul ngbaan ni, ki daa par par nimi ke kipeewanbiik na.

Hosea 5:11

Israel yaab bi ji limukl aafalaa la, ki lann kitiŋ ki nan ye bibaa aatiŋ na, ba pu? bi nan si chaa ti ban nterm binib bi kaan ŋmaa ter bi na chee la.

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

1 Piita 5:8

Ni li kpa laasaab ki li nyi; ba pu? kinimbɔŋ ki ye nimi aadin na chuun gonni, ki ban ke ni di Uwumbɔr aasan lii. Ki bi ke uchinn u chuun tar, ki ban unii u ki ga chuu ki ŋmɔ na la.