Ŋiyataŋak 28:14 - Uwumbɔr aagbaŋ

¹⁴ Aa yaa ban mpopiin kan, kii tii Uwumbɔr n‑yoonn mɔmɔk. Aa yaa kpa tafalaaŋun kan, saamɔfal ga junn.

Ŋiyataŋak 28:14 ပူးပေါင်းရင်းမြစ်များ

Job Aagbaŋ 9:4

Uwumbɔr aalan ni waapɔɔn nyaŋ a, unii ubaa aa bi ki ga ŋman u.

Ilahn 112:1

Pak Uwumbɔr man. Unii umɔk nyuŋni Uwumbɔr ki gee ke u li joo waakaal na kpa mpopiin.

Ilahn 16:8

M kani Uwumbɔr m chee n‑yoonn mɔmɔk; U duun mi, le nibaa aan ŋmaa foor mi.

Ilahn 2:11

Di ijawaan dii Uwumbɔr man,

Ilahn 95:8

“Taa cha nitafal li pɔɔ ke niyaajatiib aah nan bi pu Meriba aatiŋ ni na, ke baah nan ŋa pu nteersakpiin ni, Masa aatiŋ ni na.

Nnyam 14:23

Le Ijipt yaab aajab, ni baataan, ni baatɔroku tiib, ni bijab bi ŋaal bi na, di paan bi pu nnyusakpem ngbaan aakaasisik ni.

Nnyam 7:22

Ubɔr aanyɔkdam mu nan ŋa kina, le ubɔr ngbaan moo pɔɔk usui sakpen. Le ubɔr ngbaan nan yii, kaa ŋun tii Moses ni Aaronn, ke Uwumbɔr aah tuk bi ke ubɔr ngbaan aan kii ke binib ngbaan buen pu na.

Nnyam 7:23

Ubɔr ngbaan aah kaa ga ŋun tii bi pu na, le u ti siir kun udo, kaa gar bi.

Ŋiyataŋak 23:17

Taa li dak ke aa ba li yeh kinimbɔŋdaan aawan. Cha Uwumbɔr aapakm li ye saalandak.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Ulandaan 8:12

Utunwanbirdaan ga ŋmaa bii libiil nfum nkub ki beenin chuun. Mbamɔn, m nyi baah len pu na ke, “Aa yaa kii Uwumbɔr aamɔb kan, aa ŋmar a,

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Jeremia 32:40

M ga puu tipuur ti kaa kpa ndoon na tii bi. M ga li ŋani tiwan ni ŋan na tii bi n‑yoonn mɔmɔk, le ki ga cha bi li san mi bisui mɔmɔk ni, aan bi taa ki fenn bipuwɔb tii mi daalbaadaal.

Rom Yaab 11:20

Ni ye mbamɔn, Juu yaab aah kaa gaa Yesu Kristo ki kii na, nima le cha Uwumbɔr di bi lii. Nimi le gaa u ki kii. Nima le ni leŋ baaleleŋ. Ni taa li kpa kalmbaani. Ni li san Uwumbɔr.

Rom Yaab 2:4

U ŋa si tibulchinn sakpen, ki kpa limɔr ni suklaa aa pu. Ba ŋa aa lik u fam? Saa nyi ke Uwumbɔr ban ke aa kpeln saabimbin aa? Nima le cha u ŋa si tibulchinn.

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

Hiibru Yaab 4:1

Tɔ, Uwumbɔr aah puu tipuur ke u ga tii timi lifuur na, nsan laa beenin bi ke ti kan li. Nima na, ni li nyi man, ubaa taa lann lifuur ngbaan.

1 Piita 1:17

Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.