Ŋiyataŋak 28:12 - Uwumbɔr aagbaŋ

¹² Uninyaan yaa bi mpɔɔn ni kan, unibɔn mɔmɔk mɔɔni la, le bibiindam yaa bi mpɔɔn ni kan, unibɔn mɔk bɔrni ubaa la.

Ŋiyataŋak 28:12 ပူးပေါင်းရင်းမြစ်များ

1 Bibɔrb 18:13

Saa ŋun ke Jesebel aah nan bi ku Uwumbɔr aabɔnabtiib na, m nan di bi ponn ni nkub ki yakr bi piiŋmu piiŋmu, ki bɔr titakpalunn ponn ni ki tii bi tijikaar ni nnyun aa?

1 Bibɔrb 19:3

Elaija nan san ijawaan, le ki san; u nan di waatutunn buen Beerseba aatiŋ ki bi Juda aatiŋ pu na. U nan di waatutunn ngbaan lii nima,

2 Bibɔrb Aabɔr 7:10

le ki woln ŋmalole aawiin moninko ni itaa daal, le Solomonn cha binib ngbaan gir kun. Bisui nan piir tinyoor ti mɔmɔk Uwumbɔr nan di tii waanib Israel yaab, ni David, ni Solomonn na pu.

Ŋiyataŋak 11:10

Binib bi aabimbin ŋan na yaa kan nkam kan, kitiŋ ponn ni kpa mpopiin la, le bibiindam yaa kpo kan, mpopiin aafuuk fiir mpɔɔn pu.

Ŋiyataŋak 28:28

Bibiindam yaa bi mpɔɔn ni kan, binib bɔrni la. Le bi yaa nyan mpɔɔn ni kan, mbamɔndam le ga koo mpɔɔn ni.

Ŋiyataŋak 29:2

Mɔk mi unibamɔnn u bi mpɔɔn ni na, aan m mɔk si ke waanib kpa mpopiin. Mɔk mi ubiindaan u bi mpɔɔn ni na, aan m mɔk si ke waanib kpa mpombiin la.

Ulandaan 10:16

Kitiŋ ki aabɔr ye unachipɔɔn, aan kaasalolm mu ji njim ki ti woln kitaak na bi tibɔr ni la.

Jeremia 36:19

Le bi bui u ke, “Ni ŋan ke aa ni Jeremia buen nibaa chee ti bɔr. Ni taa cha ubaa li nyi naah bɔr nin chee na.”

Jeremia 36:26

Le u bui waabo Jerameel, ni Asriel aajapɔɔn Seraya, ni Abdeel aajapɔɔn Selemia ke bi chuu m ni maagbaŋmeer Baruk. Tɔ, Uwumbɔr nan bɔr timi, baa ŋmaa kan timi.

Jeremia 5:1

Jerusalem aanib, san dii nimi aatiŋ ponn ni man. Lik lik man. Cha nimi nibaa aanimbil kan. Lik lik kinyaŋ ponn ni man. Ni ŋmaa kan unii ubaa aan u tun ni ŋan na ki pɔɔni ubaa ke u kii Uwumbɔr aamɔb aa? Ni yaa ga kan kina aanii kan, Uwumbɔr ga di cha Jerusalem yaab aatunwanbir pinn bi.

1 Samuel 24:11

Lik, nte, lik saabɔkul aageln le m joo na. M ba ga ŋmaa ku si, le m tee gii nimina. Nima le ga ŋmaa mɔk si limɔkl ke maa si aa pu, kaa kpak si, ki mu aa ban m ku si. Aa bi tee mban ki ban mi ke aa ku mi, le maa kpaan ŋa si nibaa.