Ŋiyataŋak 28:10 - Uwumbɔr aagbaŋ

¹⁰ Aa yaa ŋmann unibamɔnn aan u tun titunwanbir kan, aabaa aagaawɔb le ga chuu si. Le maa‑kpa‑taani‑dam ga kan baapar.

Ŋiyataŋak 28:10 ပူးပေါင်းရင်းမြစ်များ

Ilahn 139:24

Lik ke m kpa titunwanbir tibaa aan maa kpa, ki mɔk mi nsan mu nan bi n‑yaayoonn na.

Ilahn 37:11

binib bi sunn bibaa taab na le ga li yeh kitiŋ kee, ki ji tinyoor ni nsuudoon aamɔɔn.

Ilahn 57:6

Maadim di kipɔɔk le pen mi ke ki chuu mi; ntaakpayɔl le nyaŋ mi. Bi gbii libuul bil maasan ni, le ki labr lir li ponn ni bibaa.

Ilahn 9:15

Binib bi kaa nyi si na gbii libuul, le ki lir li ponn ni; bibaa aagaawɔb mam le chur bi.

Ŋiyataŋak 10:3

Uwumbɔr aan cha bininyaam chuun nkon, le kaan tii ubiindaan ma nibaa.

Ŋiyataŋak 15:6

Binib bi aabimbin ŋan na aawangol dɔ kii bi la, le limukl yoonn kan, bibiindam ma lann baawangol.

Ŋiyataŋak 2:21

Binib bi aabimbin ŋan na, ni binib bi kaa kpa beebee na ga li bi timi aatiŋ kee pu,

Ŋiyataŋak 21:20

Bilandam bi liwankpal ni mmɔɔn ni la, le bijɔrb ma ji baamombil mala mala buyoonn bi kan ŋi na.

Ŋiyataŋak 26:27

Binib bi pen biken gaawɔb tiib na, gaawɔb tiib ngbaan le ga ki gir chur bi. Aa yaa bil unii litakpal nsan ni kan, sin le ga nan ki gbeer li ki lir.

Ŋiyataŋak 28:18

Li bi mbamɔm ki ŋmar. Aa yaa ye beebeedaan kan, aa ga lir mala la.

Ulandaan 10:8

Aa yaa gbii libuul bil kan, sin le ga nan lir li ponn ni. Aa yaa saa kar ligoln lii kan, uwaa le ga juu si.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Galantiya 2:4

Binib bibaa bi, ki ŋmanni ke bi dii Yesu Kristo, ki kpaan ti chee; bima le nan ban ke bi gii u. Bi kpaan ti chee ke bi lik taah gaa tibaa pu ki dii Yesu aasan kaa ki dii Moses aakaal na. Le bi nan ban ke bi muk timi ti ki dii Moses aakaal.

Hiibru Yaab 6:12

Ni taa li san ligbanyakl man. N‑yaayoonn na aanib bi nan gaa Uwumbɔr ki kii ki jin suklaa na, bi bi paacham ki kan waah puu tipuur ti ke u ga tii bi na. Ni mu li dii baah dii pu na.

1 Piita 3:9

Binib yaa ŋa nimi bakaa kan, ni taa teen bi. Bi yaa sii nimi kan, ni taa sii bi ki teen. Ni bui bi ke, “Uwumbɔr ŋa tinyoor ŋa ni pu;” ba pu? Uwumbɔr yin nimi ke u ŋa tinyoor ŋa ni pu la.

Tibɔkpiirkaan 2:14

Tɔ, m mu galn nimi tibɔr tibaa pu. Ba pu? Ni ponn ni bibaa joo Balaam aamɔkm; uma le nan mɔk Ubɔr Balak waah ga ŋa pu ki tɔŋ Israel yaab bi ti ŋmɔ libaawol aanann, ki gɔr kidagook, aan Uwumbɔr daa bitafal na.

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.