Ŋiyataŋak 28:1 - Uwumbɔr aagbaŋ

¹ Ubaa yaa kaa san dii ubiindaan kan, u san la, le uninyaan ma kaar ke uchinn na.

Ŋiyataŋak 28:1 ပူးပေါင်းရင်းမြစ်များ

1 Bibɔrb 1:49

Le ijawaan chuu Adonija aacham ngbaan, le bi mɔmɔk fii, ubaa mɔk cha waah gee nin chee na.

2 Bibɔrb 7:15

Bijab ngbaan nan di kina ki ti saa Jɔɔdann Aamɔɔl chee, le ki kani nsan ni Siria yaab ngbaan aah san aan baawanpeenkaan ni baajawan lir pu na. Le bi gir ki ti tuk ubɔr baah kan pu na.

Nehemia 6:11

Le m gar u ke, “Maa ye uja u aaboln san ki ti bɔrni na. Aa dak ke m ga san ti bɔr Uwumbɔr Aadichal ponn ni ke m ŋmar aa? Maan ŋa kina kpala.”

Job Aagbaŋ 15:21

U ga li ŋun ijawaan aaneel tar utafal ni, le buyoonn u dak ke u fuur na, le binaayukb nan lir u pu.

Ilahn 112:7

Bi yaa tuk u nsuubiin aabɔr kan, naa chur u ijawaan; u kpa gaakii u pɔɔ na, le ki kpa Uwumbɔr pu limakl.

Ilahn 53:5

Tɔ, ijawaan mu tee ga chuu bi, ke yaah kaa kee chuu bi pu na; ba pu? Uwumbɔr ga di waanib aadim aakpab yaa. Uwumbɔr yii bi, kina pu le Israel yaab ga nyaŋ bi kookoo.

Ilahn 53:6

M mee Uwumbɔr ke linyaŋ ga nya ni Sionn ki dan Israel yaab chee. Uwumbɔr yaa tii Israel yaab nkam kan, bi ga li kpa mpopiin sakpen.

Nnyam 11:8

Moses aah ti ban u len tibɔr mɔmɔk doo na le u bui ke, “Saaninkpiib mɔmɔk ga dan m chee ki nan gbaan nnimbiin ni, ki ga gaŋ mi ke m di maanib mɔmɔk nya ki buen. Nee aapuwɔb le m ga nya.” Liŋuul nan joo Moses, le u siir ubɔr ngbaan chee.

Ŋiyataŋak 10:9

Binib bi aabimbin ŋan na bi ŋŋmarm, ni lifuur ni la, le binib bi aabimbin aa ŋan na ma ga koo tibɔr ni.

Ŋiyataŋak 27:27

Le iŋoob i gur na ga tii aa ni saadichal, ni saanaagbiisapɔm ŋŋobiin.

Aisaya 30:17

Nimi aajab lichur yaa kan nimi aadim aaja ubaa kan, bi ga san, le nimi aadim ngbaan aajab biŋmu ga ŋmaa cha nimi aajab mɔmɔk san. Nibaa aan gur nimi aajab ni, see nimi aatuutaa u ni di ŋum ligongoln paab na baanja.

Aisaya 7:2

Juda aabɔrkpaan ngbaan aah ŋun ke Siria yaab aajab koo ni Israel yaab aatingbaan ni na, le ijawaan chuu u ni waanib, le biwon gbaa tɔtɔk ke libuln yaa daar kan tisufar gbaa pu na.

Jeremia 20:4

Uwumbɔr ubaa le len ke, ‘M ban m cha aa li ye ijawaan aawan ki tii sin aabaa ni aajɔtiib la, le baadim ga di kijaak aajum ku bi aanimbil ni. M ga di Juda aanib mɔmɔk di ŋa Babiloŋ aabɔr aapɔɔn ni; u ga chur bibaa tinaagbiir buen waatiŋ pu, le ki ku biken mu.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Liifai Yaab 26:36

“Nimi bi ga li bi tinaagbiir ni, ntiyayam ni na, m ga cha ijawaan chuu nimi sakpen, hali libuln yaa daa kifark aan ki dam kan, ni ga san. Ni ga san ke baah san dii nimi butɔb ponn ni le na. Nimi aadim aan li bi ni chee, le ni lir kitiŋ.

Lituln 14:3

Le Pɔɔl ni Banabas nan bi nima ki yunn, ki nan kpa lipobil ki tuk binib Tidindaan aabɔr, ke u gee bi. Le Tidindaan cha bi tun lijinjiir aatun, ki mɔk ke baah len pu na, ti gbii.

Lituln 4:13

Bininkpiib ngbaan nan bee ke Piita ni Jɔnn aa ye binib bi nyuun na, kaa bae mbaem, le ki kpa lipobil ki len. Baah kpa lipobil pu na, le ni gar bininkpiib ngbaan. Bi bee ke bi nan ye Yesu aajɔtiib la.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 28:7

“Uwumbɔr ga nyaŋ nimi aadim bimɔk tak nimi na; bi ga nya lipepel libaa wɔb le ki nan tak nimi, le ni ga nyaŋ bi, aan bi san yaa ŋipepel mɔmɔk.

1 Tesalonika 2:2

le nima yaab nan ŋa timi falaa, ki yook timi, le ti nin dan ni chee. Binib pam nan kpak timi kinikpakpak, le timi Aawumbɔr tii timi lipobil ke ti tuk nimi waabɔnyaan.