Ŋiyataŋak 27:8 - Uwumbɔr aagbaŋ

⁸ Uja u kaa bi linampal na naahn unyoon u nyan ki cha waadil na la.

Ŋiyataŋak 27:8 ပူးပေါင်းရင်းမြစ်များ

Mpiin 21:14

Ni woln kichakpiik ni le Abraham ban tijikaar, le ki ban nnyun ŋa ntuun ni, ki di baln Hagar aabɔgbiln pu, le ki di waabo ngbaan tii u, le ki bui u ke u li cha. Hagar nan chuun le ki yenni Beerseba aateersakpiin ni.

Mpiin 4:16

Le Kainn siir Uwumbɔr chee, ki buen kitiŋ kibaa ni, bi yin ki ke “Chuun Gonni,” ki bi Edenn aawipuul wɔb la.

1 Bibɔrb 11:22

Le ubɔr ngbaan baa u ke, “Ba ŋa? Maa ŋman ki tii si tiwan nibaa la aa? Nima pu le aa ban aa gir kun aa?” Hadad nan giin gar u ke, “Cha m ma kun,” le ki gir kun udo aatiŋ pu. Waah nan ti ye Edom aabɔr na, Hadad nan ye Israel yaab aadin u bir sakpen na la.

1 Bibɔrb 19:9

Nima chee le u nan ti koo kitakpaluŋ ni kinyeek ke u doon. Libuul ngbaan ni le Uwumbɔr len u chee ke, “Elaija, aa ŋani ba do?”

Ŋiyataŋak 21:16

Unii umɔk yenn nyan nlan chee na, nkun dɔ kii udaan ngbaan.

Ŋiyataŋak 26:2

Aa yaa kaa tun taani kan, imɔpuur aan ŋmaa chuu si. Ti naahn inyoon i laani kaan kal busub paab na la.

Ŋiyataŋak 27:7

Aa yaa jin gbiin kan, aa ga ŋmaa yii tisiir, le nkon ma yaa joo si kan, tijikaar ti cho na mɔ la.

Aisaya 16:2

Bi nan si Anonn aamɔɔl aagbaan le ki kii, kaa nyi baah ga ŋa pu na, aan ki di ti nya do, ki nan nya do, ke inyoon i bi jenn nyan i yaanyondil ni na.

Jona 1:3

Le Jona nan tee fii ki di toŋ nibaa wɔb ke u bɔr Uwumbɔr. U nan di buen Jopa aatiŋ ni la, nima chee le u ti kan buŋɔb bu cha Speenn aatiŋ ni na. U nan pan le ki koo bu ponn ni, biŋɔŋaab chee, ke bi buen Speenn aatiŋ ni, nin chee Uwumbɔr aan ki kan u na.

1 Korenti 7:20

Unii mɔmɔk aah nan bi pu aan Uwumbɔr nan yin u na, u li bi kina.

Juud 1:13

Bi tun inimɔɔn aatuln la, ki naahn nnyusakpem aanyunkpenn ti ŋani tipupukr ni tijɔŋ nnyun aagbaan na la, ki ki naahn ŋiŋmabil ŋi kaa chuun ŋaasan ni na. Uwumbɔr ga di bi ŋa mbɔmbɔɔn ni, n‑yoonn mu kaa kpa ndoon na.

1 Samuel 22:5

Le Uwumbɔr aabɔnabr Gad dan David chee ki nan bui u ke, “Taa li ka do. Li cha Juda aatiŋ ni mala.” Kina pu le David nyan nima ki buen Heref aachook ni.