Ŋiyataŋak 27:4 - Uwumbɔr aagbaŋ

⁴ Liŋuul aa ŋan ki ki ŋmaa bii tiwan mu, ki mu aa ŋmaa bii tiwan ki ti pii lipiipoln aah ga bii tiwan pu na.

Ŋiyataŋak 27:4 ပူးပေါင်းရင်းမြစ်များ

Mpiin 26:14

U nan kpa ipiih, ni iŋoob, ni inaa, ni binaagbiib sakpen, le Filistia yaab nan kpa u pu lipiipoln.

Mpiin 37:11

Le Josef aakpetiib nan kpa lipiipoln u pu; ute ma nan bi dakl tibɔr ngbaan pu n‑yoonn mɔmɔk.

Mpiin 38:9

Le Onann aah nan bee ke mbim ngbaan aan li ye waabim na, u yaa nan doon Tamar chee ki ban u gaa ubaa kan, le u chuu nyan uchakpaln, le tijar lir kitiŋ, nima kan upii ngbaan aan dek ki maa mbim tii ukpel.

Job Aagbaŋ 5:2

Aa yaa ka dak ke ubaa aatafal aa bi aa ni ki ti kpo kan, ni ye kijɔrk, ni maa‑kpa‑lan aawan le ke unii ŋa.

Ŋiyataŋak 14:30

Nsuudoon le tii tiwon laafee, le lipiipoln bi ke mbuunkpok na.

Ŋiyataŋak 27:3

Litakpal ni litambol aah nyuun pu na aan ŋmaa ŋaŋ tibɔr ti kijɔrk ga ŋmaa ban na.

Ŋiyataŋak 6:34

Upii aachal aaŋuul fiir sakpen buyoonn lipiipoln joo u na la; waah ga teen uja ngbaan pu na aa kpa ndoon.

Solomonn Aalahn 8:6

Taa ki bɔnn upii ubaa ki kpee m pu; taa ki cha aaŋaal bub ubaa ki kpee m pu. Mbɔngeehm pɔɔ ke nkun na la; Mbɔngeehm pɔɔ ke kitekpiitiŋ na la. Mu ti gaal ke mmii na la, le ki wu ke kichook ni aamii na.

Matiu 27:18

Pailat nan bee ke bi kpa lipiipoln Yesu pu, nima le cha bi di u ŋa uŋaal ni.

Lituln 17:5

Le Juu yaab bi kaa kii tii u na nan kpa lipiipoln u pu, ki kuun ni binib bi kaa ŋan, kaa bi tibɔr tibaa ni na, ki cha kitiŋ ngbaan aanib mɔmɔk gee liŋuul, ki kpa kifuuk, ki ŋma tijar, le ki buen uja u bi yin u ke Jasonn na do, ki ban bi koo ni. Le waa kii. Le bi koo mpɔɔn, ki ti bi ban Pɔɔl ni Sailas, ke bi nyan bi buen kinipaak ngbaan chee,

Lituln 5:17

Le Uwumbɔr aatotoorninkpel, ni binib bimɔk dii u ki nan ye Sajusii yaab na, nan kpa lipiipoln Yesu aakpambalb pu,

Lituln 7:9

“Le Jakob aajapɔtiib nan kpa lipiipoln binaal Josef pu, ki di u kooh binib pu, u li ye unaagbiija kitiŋ kibaa ponn ni, bi yin ki ke Ijipt. Le Uwumbɔr mu nan bi u chee,

Rom Yaab 1:29

ki gbii titunwanbir aabɔŋ mɔmɔk. Bi gɔr kidagook ki tun baka baka, ki kpa iniman, kaa gee tɔb, ki kpa lipiipoln, ki jaa kijaak, ki ku tɔb, ki ŋmanni tɔb, ki nan tɔb, ki bii tɔb libɔɔl ni,

1 Jɔnn 3:12

Taa cha ti li bi ke Keenn na. U nan ye kinimbɔŋ ki kaa ŋan na aanii la, le ki ku unaal. Ba pu u ku unaal? Uma Keenn aatuln aa nan ŋan. Unaal ma aatuln nan ŋan. Nima le nan cha u ku u.

1 Samuel 18:9

Kina pu le u nan piin ki ŋani David lipiipoln, ki dak u pu ti kaa ŋan na.