Ŋiyataŋak 27:22 - Uwumbɔr aagbaŋ

²² Aa ga ŋmaa gbaa ujɔr u ti li ban u kpo, aa mu aan ŋmaa gbaa nyan waajɔrk u ni.

Ŋiyataŋak 27:22 ပူးပေါင်းရင်းမြစ်များ

1 Bibɔrb 13:33

Israel yaab aabɔr Jeroboam aa nan di cha waatunwanbir aatuln, le ki tee beenin nyani bitotoorb imaal i kaa ye bitotoorb aamaal na ponn ni, ke bi li tun ŋitun waah maa ŋibimbin ŋi na pu. Unii umɔk nan len ke u ban u ŋa utotoor na kan, u nan kaani udaan la.

Nnyam 12:30

Kinyeek ngbaan, le ubɔr ni waaninkpiib, ni Ijipt yaab mɔmɔk nan fii ngeen pu. Le Ijipt yaab aadichal mɔmɔk ni binib nan kaani ki wii, ni kookoo, ba pu? lidichal le aa nan gur unii aa kpo li ponn ni.

Nnyam 14:5

Buyoonn ubɔr ngbaan ŋun ke binib na san ŋmar na, le u ni waaninkpiib kpeln bisui le ki kpokl ki bui ke, “Ti ŋa ba kina? Ti cha Israel yaab san ŋmar a, le taa ki kpa binaagbiib.”

Nnyam 15:9

Timi aadin bui ke, ‘M ga paan bi pu aan ki chuu bi. M ga yakr baawangol le ki nyan maah gee ni na. M ga di maajaak aajuk le ki jenn bi ki gaa baah kpa tiwan ni na mɔmɔk.’

Ŋiyataŋak 14:24

Bilandam aapar le ye liwangol, bijɔrb ma aah kan pu na le ye kijɔrk ŋmeen.

Ŋiyataŋak 23:35

Aa ga bui ke, “Nibaakan, m fe kan iween, nibaakan, bi fe gbaa mi la, le maa ki teer, ba ŋa maa ŋmaa fii sil? M ki ban ndaan la.”

Ŋiyataŋak 26:11

Ujɔr yaa ki gir ŋa kijɔrk aatuln nfum mulee kan, ni naahn ubɔ aah gir ti jin waawuln pu na la.

Aisaya 1:5

Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Jeremia 13:23

Unii u aawon bɔn na ga ŋmaa kpeln ti ŋa ti man na aa? bee upeenaamuun ga ŋmaa nyan uwon aah tuur tuur pu na aa? Bi yaa ga ŋmaa ŋa kina kan, nimi bi tun titunwanbir ŋmeen na mu ga ŋmaa kpeln ki ŋa ni ŋan na.

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

1 Samuel 19:21

Sɔɔl aah ŋun kina na, le u ki tun biken. Le bi mu ti piin ki pak Uwumbɔr kina. Le u ki tun biken taataa. Le tiwanbaan ngbaan ki ŋa bi mu.