Ŋiyataŋak 27:21 - Uwumbɔr aagbaŋ

²¹ Mmii le bi joo tɔŋni salmaa ni tikunabr, kina le binib aah pak unii pu na le mɔk waabimbin aah bi pu na.

Ŋiyataŋak 27:21 ပူးပေါင်းရင်းမြစ်များ

2 Samuel 14:25

Ubaa aa nan ki bi Israel aanib ni ki kpa kinyaan ke Absalom na. Uwon nibaa chee aa nan bi ki kpa kidaan.

Job Aagbaŋ 28:1

Baah gbii tikunabr ibuu i ponn ni na bi; le baah toor nyani salmaa aajɔŋ nin chee na bi.

Ilahn 12:6

Aa ga ŋmaa tii Uwumbɔr aah len pu na naadii; waah len pu na ye ibamɔn ke tikunabr ti bi pun ti mmii ni nfum mulole ke bi nyan taajɔŋ na la.

Ilahn 66:10

Uwumbɔr, aa tɔŋ timi; baah pu tikunabr mmii ni pu ki nyani tijɔŋ na, kina le aa tɔŋ timi.

Ŋiyataŋak 17:3

Mmii le bi joo tɔŋni salmaa ni tikunabr, Uwumbɔr mu le tɔŋni unibɔn aasui lik.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Malakai 3:3

U ga nan ji tibɔr ibamɔn ni, ke unii u pu tikunabr mmii ni ki nyani tijɔŋ na la. Uchaa aah pu tikunabr ni salmaa mmii ni ki nyani tijɔŋ pu na, kina le Uwumbɔr aatuun ga nan toor bitotoorb, ki cha bi joo ni kitork bamɔnn nan tii Uwumbɔr.

Tibɔnyaan ti Luk ŋmee ti na 6:26

“Binib mɔmɔk yaa pak nimi kan, tibɔbir ga li bi ni pu. Kina le biyaajatiib nan pak biŋmaŋmannim bi nan ŋmanni ke bi ye Uwumbɔr aabɔnabtiib na.”

1 Piita 1:7

ba pu? falaa ngbaan ga mɔk ke ni gaa Yesu ki kii mbamɔm aan naa gaa. Naah gaa u ki kii pu na jer salmaa u ga bii na. Bi joo salmaa pu mmii ponn ni ke bi lik ke u ŋan aan waa ŋan. Kina le Uwumbɔr cha ni ji falaa ke u lik ke ni gaa u ki kii mbamɔm aan naa gaa. Ni yaa gaa u ki kii mbamɔm kan, le ni ga kan mpakm ni nnyuŋ bundaln Yesu Kristo ga nyan ubaa mpaan pu na.

1 Piita 4:12

Njɔtiib bi m gee bi na, ni ji falaa u wu sakpen na la. Ni taa dak ke ni ye tiwachann la. Uwumbɔr cha ni ji falaa ke u lik nimi aabimbin aah bi pu na la. Ni taa cha ni gar nimi.

1 Samuel 18:30

Filistia aajab nan choo nan tak Israel yaab, le butɔb mɔk ponn ni kan, David le nan kani linyaŋ ki jer Sɔɔl aajab aaninkpiib biken na. Kina pu na, David nan kan liyimbil pam.